03:14 20 ДЖЕОРГУЫБАЙЫ МÆЙ
 2018
Комкоммӕ эфир
  • EUR75.32
  • USD66.01
Кокойты Хетæг æмæ Аслан

Дыууæ цхинвайлаг боксеры стох кæндзысты Профцæдисты фыццагады Краснодары

© Sputnik / Из архива Ирбега Кокоева
Спорт
Чысыл дӕнцӕг
49 0 0

Дыууæ лæппу дæр сты боксы скъолайы сæхи кар æмæ уæзы категориты лидертæ, расгуыхтысты æппæтуæрæсейон ерыстæ "Юность России"-йы

ЦХИНВАЛ, 31 окт — Sputnik, Плиты Фатимæ. Сывӕллӕтты ӕмӕ ӕрыгон фӕсивӕды боксы скъолайы дыууæ хъомылгæнинаджы – Кокойты Хетæг æмæ Аслан стох кæндзысты Профцæдисты фыццагады Краснодары, фехъусын кодта Sputnik скъолайы минæвар Кокойты Ирбег.

Турнир у æвзарæн этап Ӕппæтуæрæсейон ерыстæм.

"Боксы скъолайæ ерыстæм раразмæгонд æрцыдысты дыууæ лæппуйы. Ерыстæ цæуынц 2003-2004 æзты гуырд спортсменты хсæн, ацы кары нæм лидертæ сты Кокойты Хетæг æмæ Аслан. Аслан у æппæтуæрæсейон ерыстæ "Юность России"-йы уæлахиздзау, Хетæг та призер. Спортсменты акæндзæн скъолайы тренер Куымæридтаты Родион", — загъта Кокойты Ирбег.

Уый ма банысан кодта, дыууæ лæппу дæр кæй цæттæ кæнынц Спорты скъолайы боксы секцийы хатæны тренертæ Плиты Азæмæт æмæ Кокойты Мурæты къухдариуæгадæй.

Æрыстæ цæудзысты 4-10 ноябры. Турниры призтыл тох кæндзысты 2003-2004 æзты гуырд фæсивæд. Спортивон мадзал нывонд у Уæрæсейы хъайтар, æфсæддон тæхæг Роман Филиповæн.

Сӕйраг темӕтӕ