Цхинвайлаг шахматисттæ ссисты турниры уæлахиздзаутæ Дзауы

© Sputnik / Пресс-служба Дзауского районаЧелехсаты Хъазбеджы номыл турнир шахматтæй
Челехсаты Хъазбеджы номыл турнир шахматтæй - Sputnik Хуссар Ирыстон
Рафыссын
Цхинвайлæгтæ рамбылдтой финалы уазæг командæйы Цæгат Ирыстоны горæтгæрон районтæй

ЦХИНВАЛ, 5 ноя — Sputnik, Плиты Фатимæ. Хуссар Ирыстоны столицæйы командæ ссис зынгæ æхсæнадон архайæг Челехсаты Хъазбеджы номыл IX шахматтæй турниры уæлахиздзау, фехъусын кодтой Sputnik Дзауы районы пресс-службæйы.

Чемпионат шашкæтæй Цхинвалы - Sputnik Хуссар Ирыстон
Цхинвалы фæбæрæг сты хуыздæр шашисттæ

Турнир æрæмбырд кодта фараст командæйы Ирыстоны дыууæ хаййæ.

"Фыццаг бынатыл тох кодтой Цæгат Ирыстоны Горæтгæрон районы æмæ Цхинвалы командæтæ. Дыууæ командæ сты рагон "знæгтæ" — фæстаг æзты се ʻхсæн цæуынц тохтæ сæйраг призыл, хыгъд ныр у 2:2. 2016 æмæ 2017 æзты æмбылдтой Горæтгæрон районы командæ, 2015 æмæ ацы аз та уæлахиз бафтыд цхинвайлæгты къухы", — загътой уагдоны пресс-службæйы.

Уым ма радзырдтой, турниры æртыккаг призер та кæй ссис Знауыры районы къорд.

Челехсаты Хъазбег у националон преми "Нарты фæткъуы"-йы лауреат, чиныг "Осетия и осетины"-йы æмбырдгæнæг.

Ног хабӕртты лентӕ
0