Черчесты Станислав хорзæхджын æрцыд орден "Ирыстоны кадæн"-æй

Рафыссын
Тренерæн бæрзонд паддзахадон хорзæх радта Цæгат Иры разамонæг

ЦХИНВАЛ, 27 ноя — Sputnik. Цæгат Ирыстоны сæргълæууæг Битарты Вячеславы бардзырдмæ гæсгæ республикæйы иууыл уæлдæр хорзæх — орден "Ирыстоны кадæн" — лæвæрд æрцыд Уæрæсейы æмбырдгонд командæйы сæйраг тренерæн футболæй Черчесты Станиславæн йе стыр хайбавæрды тыххæй футболы райрæзтмæ, хъусын кæны 15 регион.

Хорзæх кæныны мадзал ацыд Дзæуджыхъæуы хицауады хæдзары.

Главный тренер сборной России по футболу Станислав Черчесов - Sputnik Хуссар Ирыстон
Черчесты Станислав ссис ӕхсӕнадӕмон преми "Arctic Awards"-ы лауреат

"Дунейы чемпионаты рæстæджы не 'ппæт дæр телевизорты раз уыдыстæм. Нæ бæстæйы сæйраг командæйы сæргъы лæугæйæ, Черчесты Станислав радон хатт йæ чысыл республикæ бæрзонд хатдзæгтæй скадджын кодта. Тынг æхсызгон мын у, ирон адæммæ ахæм минæвæрттæ кæй ис. Мундиалы кæрон рахастам нæ зынгæ æмбæстагоны республикæйы иууыл уæлдæр хорзæхæй — орденæй "Ирыстоны кадæн" — схорзæхджын кæныны уынаффæ, афтæмæй йæм бирæ раздæр æмбæлд", — мыхуыр кæны 15 регион Битарты Вячеславы ныхæстæ.

Черчесты Станислав та Цæгат Ирыстоны сæргълæууæгæн балæвар кодта Уæрæсейы æмбырдон командæйы футболкæ национ командæйы хъазджыты къухфысттимæ.

Ног хабӕртты лентӕ
0