07:48 25 МАЙРÆМТЫ МÆЙ 2019
Комкоммӕ эфир
  • EUR72.62
  • USD65.60
Армспорты секцийы хъомылгæнинæгтæ

Авд армрестлеры Хуссар Ирæй стох кæндзысты Уæрæсейы фыццагады

© Sputnik / Фатима Плиева
Спорт
Чысыл дӕнцӕг
64 0 0

Цхинвайлаг къорды сконды уыдзысты тренертæ Джиоты Валерий æмæ Коцты Дмитрийы хъомылгæнинæгтæ

ЦХИНВАЛ, 4 фев — Sputnik, Плиты Фатимæ. Хуссар Ирыстоны хуыздæр æрмхæцджытæ авдæй стох кæндзысты Уæрæсейы фыццагады Мæскуыйы областы. Цхинвайлаг къорды сконды уыдзысты чызджытæ дæр æмæ лæппутæ дæр, фехъусын кодта Sputnik армрестлингы тренер Джиоты Валерий.

Уæрæсейы фыццагады архайдзысты тренертæ Джиоты Валерий æмæ Коцты Дмитрийы хъомылгæнинæгтæ.

"Ерыстæм æрвитæм Дзигойты Стелла (60кг) æмæ Дыгъуызты Миленайы (70+), уый архайы æрыгæтты ʻхсæн. Лæппутæ бавдыстгонд сты Плиты Батрадз, Хæбæлаты Арсен æмæ Кæсæбиты Владиславы скондæй, иууылдæр сты ерысты призертæ æмæ уæлахиздзаутæ", - загъта Джиоты Валерий.

Тренер ма банысан кодта, Цхинвалæй ма ерысты кæй архайдзæн ноджы дыууæ лæппуйы - Сиукъаты Родион æмæ Къæбысты Сæрмæт, уыдон та сты Коцты Дмитрийы хъомылгæнинæгтæ.

Уæрæсейы фыццагад армспортæй цæудзæн 13-17 февралы Мæскуыйы областы.

Сӕйраг темӕтӕ