Шанстæ нын уыд: хуссарирыстойнаг джипертæ ссисты ЦКФЗ кубокы призертæ

© Sputnik / Наталья АйриянДжип-триал Хуссар Ирыстоны
Джип-триал Хуссар Ирыстоны - Sputnik Хуссар Ирыстон
Рафыссын
Ерысты æртыккаг этап ацыд хуыцаубоны горæт Лермонтовы: хуссарирыстойнаг экипажæн рамбулын нæ бантыст техникон проблемæты тыххæй

ЦХИНВАЛ, 17 июн - Sputnik, Гæбæраты Элина. Хуссарирыстойнаг джиперты командæ рацыд трофи-спринтæй ЦКФЗ гом кубокы æртыккаг этап Ставрополы крайы хъæу Лермонтовы. Дугъон хæдтулгæйы шофыр Лæууойты Сева куыд радзырдта Sputnik, афтæмæй хуссарирыстойнаг экипаж рамбылдта æтрыккаг бынат категори "спорт"-ы.

Хуссарирыстойнаг джиппертæ рамбылдтой ЦКФЗ ерыстæ - Sputnik Хуссар Ирыстон
Хуссарирыстойнаг джипертæ рамбылдтой ЦКФЗ ерыстæ

"Дыккаг æмæ æртыккаг зылды уыдыстæм зынгæ раздæр. Уыд нын æппæт шанстæ дæр дугъ рамбулынæн, фæлæ нæ финалон зылды ныкъуыхцы кодта нæ машинæ, æндæра æрбацыдаиккам фыццаг. Уымæ æнæкæсгæйæ, очкотæм гæсгæ, нырма нæ экипаж у лидер. Чизоны турниры иннæ этапты баххæст кæнæм нæ архайд", - радзырдта Лæууойты Сева.

Йæ ныхæстæм гæсгæ, командæмæ ма æнхъæлмæ кæсы разæй æртæ этапы æмæ сæ тыхтæ сараздзысты рамбулынмæ.

Экипажы сконды ис дыууæ адæймаджы - пилот Лæууойты Сева æмæ штурман Гæззаты Олег.

Чемпионат конд у æхсæз этапæй, уыдонæй фыццаг ацыд Цæгат Ирыстоны, дарддæр æй райстой Цæгат Кавказы республикæтæ.

Ног хабӕртты лентӕ
0