04:45 23 СУСÆНЫ МÆЙ
 2018
Комкоммӕ эфир
  • EUR73.93
  • USD63.49
Амард актер Михай Волонтир, кӕцы сӕххӕст кодта Будулайы роль

Амард актер Михай Волонтир, кӕцы сӕххӕст кодта Будулайы роль

© Sputnik / Владимир Родионов
Дунейы
Чысыл дӕнцӕг
12 0 0

Зындгонд актер, кӕцы сӕххӕст кодта Будулайы роль кинофильмтӕ "Цыган" ӕмӕ "Возвращение Будулая"-йы, дӕргъвӕтин рынчыны фӕстӕ 82-аздзыдӕй ахицӕн йӕ цардӕй.

ЦХИНВАЛ, 15 сен — Sputnik. Советон Цӕдисы адӕмон артист, молдаваг актер Михай Волонтир, кӕцы сӕххӕст кодта Будулайы роль кинофильмтӕ "Цыган" ӕмӕ "Возвращение Будулая"-йы, ахицӕн дыццӕджы йӕ цардӕй, фехъусын кодта Sputnik Молдова актеры бинойнаг Ефросинья Добындэ-Волонтир.

Михай Волонтирыл цыд 82 азы, йӕ идӕдзы ныхӕстӕм гӕсгӕ, уый дӕргъвӕтин рӕстӕг уыд уӕззау рынчын. Актер амард Кишиневы Республикон соматикон рынчындоны.

Фӕстаг 2,5 мӕйы Волонтир ӕппынӕдзух уыд рынчындӕтты, дохтырты ныхӕстӕм гӕсгӕ, ацӕргӕ нӕлгоймагыл стых сты ӕппӕт низтӕ дӕр.

"Тынг хъыгаджы хабар у Волонтиры мӕлӕт. Михай Волонтир у кинематографийы цӕджындзтӕй сӕ иу, националон актерон скъолайы ӕмӕ советон кинойы символ. Уый уыд фӕлмӕнтӕ, зӕрдӕхӕлар нӕлгоймаг", — радзырдта Sputnik Молдавӕйы Националон филармонийы директор Светлана Бивол.

Йӕ ныхӕстӕм гӕсгӕ, Волонтирӕн ис тынг хорз бинонтӕ — чызг, хъӕбулы хъӕбул ӕмӕ диссаджы ӕмкъай, кӕцы кӕддӕриддӕр уыд йӕ сӕрыхицауы фарсмӕ.

Театралон сценӕйыл Михай Волонтир сӕххӕст кодта 120-ӕй фылдӕр сӕйраг ролы.

Кинойы та йӕ дебют уыд комеди "Кирица в Яссах", кӕцы экранизаци ӕрцыд 1967 азы. Михай Волонтирӕй зындгонддзинад ӕрхастой фильмтӕ "В зоне особого внимания", "Ответный ход", "Дмитрий Кантемир", "Цыган" ӕмӕ "Возвращение Будулая".

Сӕйраг темӕтӕ