Ирон нывгӕнӕг Козаты Ушангы куыстытӕн Санкт-Петербурджы ацӕудзӕн равдыст

© Sputnik / Владимир Вяткин /  Ахизын медиабанкмæИрон нывгӕнджыты равдыст
Ирон нывгӕнджыты равдыст - Sputnik Хуссар Ирыстон
Рафыссын
Козаты Ушанг у абстрактон экспрессионизмы ирд минӕвар. Йе сфӕлдыстады сӕйраг темӕ у 1990-ӕм ӕзты гуырдзиаг-ирон ныхмӕлӕуды цаутӕ ӕмӕ 2008 азы хӕст.

ЦХИНВАЛ, 14 окт — Sputnik. Хуссар Ирыстоны адӕмон нывгӕнӕг Козаты Ушангы куыстытӕн майрӕмбоны Санкт-Петербурджы "Ног музейы" бӕстыхайы байгом уыдзӕн равдыст "Власть цвета". Аивадуарзджыты размӕ рахӕсдзысты нывгӕнӕджы куыстытӕй 50-ы онг, фехъусын кодтой Sputnik РХИ культурӕйы министрады пресс-службӕйы.

Козаты Ушанг у абстрактон экспрессионизмы ирд минӕвар. Йе сфӕлдыстады сӕйраг темӕ у 1990-ӕм ӕзты гуырдзиаг-ирон ныхмӕлӕуды цаутӕ ӕмӕ 2008 азы хӕст.

"Равдысты хайад райсдзӕн Хуссар Ирыстоны культурӕйы министр Остъаты Мӕдинӕ. Козаты Ушангӕн Санкт-Петербурджы ахӕм айтыгъдимӕ равдыст ацӕудзӕн фыццаг хатт. Ам фенӕн уыдзӕн 50 нывы онг, уыдон ӕхсӕн йӕ ног куыстытӕ дӕр", — радзырдтой пресс-службӕйы.

Равдыст уагъд цӕудзӕн 16 октябрӕй 6 декабрмӕ.

Козаты Ушангы куыстытӕн ма равдыстытӕ уыд Мӕскуыйы, Гамбургы, Токиойы, Пекины, Мадриды, Цхинвал ӕмӕ Дзӕуджыхъӕуы.

Хуссар Ирыстоны адӕмон нывгӕнӕг, Уӕрӕсейы сгуыхт нывгӕнӕг Козаты Ушанг каст фӕцис Цхинвалы Тугъанты Махарбеджы номыл нывгӕнӕн ахуыргӕнӕндон. Йӕ куыстытӕ сты тынг популярон ӕппӕт дунейы дӕр. У Уӕрӕсейы Аивӕдты академийы уӕнг-корреспондент. Райгуырӕн бӕстӕйы сӕрвӕлтау тохты тыххӕй хорзӕхджын ӕрцыд Хуссар Ирыстоны уӕлдӕр паддзахадон хорзӕх — орден "Уацамонгӕ"-йӕ.

Ног хабӕртты лентӕ
0