ЦХИНВАЛ, 1 фев — Sputnik. Беспрецедентон вокалон конкурс "Ты супер!", телекомпани НТВ ӕмӕ ӕхсӕнадӕмон информацион агентад Sputnik-ы иумӕйаг проект, райдайдзӕн 11 февралы. Ног проект ратдзӕн фадат курдиатджын сывӕллӕттӕн, кӕцытӕ аззадысты ӕнӕ ныййарджыты ӕвджидӕй, сӕ курдиат равдисын ӕмӕ стыр сценӕмӕ фӕндаг айгӕрдын.
НТВ-ы продюсер Тимур Вайнштейн нӕ дызӕрдыг кӕны, конкурс "Ты супер!"-ы хайадист кӕй суыдзӕн ӕрыгон курдиӕттӕн балцӕг цардмӕ:
"Ты супер!" у бынтон ӕнахуыр проект НТВ-йӕн, кӕцы адарддӕр кодта, телеканалыл цы ивындзинӕдтӕ цӕуы, уыдон номхыгъд. Мах ӕмбарӕм, кӕй у нӕ бон баххуыс кӕнын сывӕллӕттӕн, кӕцытӕн ныры онг нӕ уыд фадат сӕ курдиат уӕрӕх аудиторийӕн базонгӕ кӕнын".
Вайнштейн фидарӕй загъта, ӕрыгон курдиӕттимӕ ӕмгуыстад ацы проектыл кӕй нӕ фескъуыйдзӕн.
Ныридӕгӕн бӕрӕг у, жюрийы сконды кӕй ис дунейон ӕмвӕзады иууыл нымаддӕр музыкалон продюсертӕй иу — Игорь Крутой. Уый у ахӕм егъау музыкалон шоуты продюсер, куыд «Новая Волна», "Песня года" ӕмӕ ӕндӕртӕ. Ӕвзонг курдиӕттӕн Крутой ӕрмӕст карз тӕрхонгӕнӕг нӕ уыдзӕн, фӕлӕ ма сӕ хӕлар дӕр.
Шоуйы финалисттӕ райсдзысты хайад ӕхсӕнадӕмон вокалон конкурстӕ "Новая волна" ӕмӕ "Детское Евровидение"-йы ӕвзӕрстон турты. Афтӕ ма сывӕллӕттӕн ноджы иу лӕвар суыдзысты рольтӕ ног мюзикл "Республика ШКИД"-ы, кӕцы рацӕудзӕн НТВ-ы эфиры.
"Ты супер!"-ы премьерӕмӕ ма баззад нымад бонтӕ. Вокалистты алы бон дӕр у нымад минутты онг. Фыццаг фӕлварӕн сын суыдзӕн ралӕуд жюрийы уӕнгтӕ, студийы уазджытӕ ӕмӕ ӕнӕхъӕн бӕстӕйы бирӕмилуан телекӕсджыты раз. Ныртӕккӕ уыдон сты ӕнӕзонгӕ лӕппутӕ ӕмӕ чызджытӕ, фӕлӕ сын тагъд рӕстӕджы сӕ нӕмттӕ базондзысты ӕрмӕст Уӕрӕсейы нӕ, фӕлӕ фӕссоветон бӕстӕты дӕр.
Музыкалон шоу "Ты супер!"-ы премьерӕ уыдзӕн телеканал НТВ-ы эфиры 11 февралы 20:00 сахатыл.
