Амард Николай Караченцов

© Sputnik / Илья Питалев /  Ахизын медиабанкмæАктер Николай Караченцов
Актер Николай Караченцов - Sputnik Хуссар Ирыстон
Рафыссын
Актерӕн фӕстаг хӕрзбон зӕгъдзысты "Ленком"-ы, фыдохы церемонийы датӕ нырма бӕрӕг нӕу

ЦХИНВАЛ, 26 окт — Sputnik. Мӕскуыйы йӕ цардӕй ахицӕн театр ӕмӕ кинойы зындгонд актер Николай Караченцов, хъусын кӕны РИА Новости артисты лӕппу Андрей Караченцовы ныхӕстӕ.

"Райсом фараст сахатыл ӕрлӕууыд йӕ зӕрдӕ", — банысан кодта уый.

Актерӕн фӕстаг хӕрзбон зӕгъдзысты "Ленком"-ы, фыдохы церемонийы датӕ нырма бӕрӕг нӕу.

Иосиф Кобзон - Sputnik Хуссар Ирыстон
Амард Иосиф Кобзон

Актер Николай Караченцов 2005 азы февралы Мӕскуыйы бахауд аварийы, кӕцыйы фӕстӕ кӕронмӕ не сдзӕбӕх ис ӕмӕ нал адарддӕр кодта йӕ артисты карьерӕ театр "Ленком" ӕмӕ кинемотографы.

Фарон ноябры райдайӕны актеры бинойнаг радзырдта, кӕй йын ссардтой онкологи. Караченцов райдыдта хос кӕнын ракӕн, фыццаг процедурӕтӕ ацыдысты декабры.

Театр ӕмӕ кинойы актер, Уӕрӕсейы адӕмон артист Николай Караченцов райгуырд Мӕскуыйы 1944 азы 27 октябры.

Кинойы Николай Караченцов райдыдта хъазын 1967 азӕй фӕстӕмӕ. Йӕ карьерӕйы актер хайад райста сӕдӕ кинонывӕй фылдӕры, кӕцыты ӕхсӕн сты "Старший сын" (1975), "Собака на сене" (1977), "Приключения Электроника" (1979), "Дом, который построил Свифт" (1982), "Человек с бульвара Капуцинов" (1987).

Кӕсджыты зӕрдӕтӕ Николай Караченцов балхӕдта, граф Резановы фӕлгонц куы сӕххӕст кодта рок-оперӕ "Юнона и Авось"-ы, уӕд.

Ног хабӕртты лентӕ
0