ЦХИНВАЛ, 6 ноя — Sputnik. Ирон спортсментæ рамбылдтой фондз майданы æппæтадæмон турниры джиу-джитсуйæ, кӕцы уагъд ӕрцыд Санкт-Петербургы, хъусын кӕны ПТРК "Алания".
Дӕсӕм ӕхсӕнадӕмон турнир ӕрӕмбырд кодта спортсменты Уӕрӕсе, Бельги, Израиль, Эстони ӕмӕ ӕндӕр бӕстӕтӕй.
"Иугонд командæйы хæрзиуджыты хæзнадонмæ æвзист майдан бахаста Уалыты Зауыр. Дыккаг бынатмæ рацыди Сакъиты Зæринæ. Дыууæ бронзæ майданы рамбылдта Мæхъиты Кристинæ. Æлбегаты Зауыр та ссис турниры æвзист призер", — дзырдӕуы хъусинаджы.
Турниры фӕстиуджытӕм гӕсгӕ, ирон спортсментӕ Уалыты Зауыр ӕмӕ Сакъиты Зæринæ бацыдысты УФ ӕмбырдгонд командӕйы кандидатты номхыгъдмӕ.
Ерыстӕ цыдысты дыууӕ дисциплинӕйы: "файтинг" (тох) ӕмӕ "не-ваза" (хуысгӕйӕ тох). Республикæйы иугонд командӕйы джиу-джитсуйæ цӕттӕ кӕны тренер Дзитойты Артур.
