ЦХИНВАЛ, 11 ноя — Sputnik. Ирон боксер-профессионал Тедеты Сослан ауадздзæн рейтингон тох уæрæсейаг боксеримæ, спорты дæсны Денис Кенжегалиевимæ, фехъусын кодта Sputnik спортсмены тренер Сланты Виталий.
Тедеты Сослан у фæсивæды æхсæн профессионалон боксæй дунейы чемпион 63,5 килограммы онг уæзы категорийы IBF (International boxing federation — Боксы æхсæнадæмон федераци) версимæ гæсгæ.
"Тох уагъд æрцæудзæн 21 ноябры Екатеринбургы. Нæ боксерæн ис бæрзонд шанстæ. Уый ныридæгæн у дунейы чемпион, йæ ныхмæлæууæгæн та профессионалон боксы нырма ницы серьезон æнтыстытæ ис, фæлæ хорз боксер у", — загъта Сланты Виталий.
Йæ ныхæстæм гæсгæ, Сослан куы фæуæлахиз уа, уæд рейтингы фæуæлдæр уыдзæн, уымæй дарддæр ма ныхмæлæуд æвæрццагæй бандавдзæн боксеры спортивон формæйыл.
"Уый у спортивон практикæ, кæцыйы фæрцы бантысдзæн стыр куыстлæудæй хи бахизын", — загъта тренер.
20-аздзыд Сослан фыццаг хатт профессионалон рингмæ рахызт 2014 азы майы. Ауагъта дæс тохы, фарасты дзы йæ къухты бафтыд æмгъуыдагъоммæ уæлахиз. Боксеры цæттæ кæны Хуссар Ирыстоны æмæ Уæрæсейы сгуыхт тренер Сланты Виталий.
