ЦХИНВАЛ, 11 ноя — Sputnik. Сергей Есенины сфæлдыстады тыххæй тематикон конкурсон викторинæйы лауреатты хорзæхджын кодтой зонад æмæ культурæйы уæрæсейаг центры (ЗКУЦ) Цхинвалы, фехъусын кодтой Sputnik Хуссар Ирыстоны уæвæг Россотрудничествойы минæварады пресс-службæйы.
Викторинæ нывонд уыд зынгæ уæрæсейаг поэты райгуырдыл 120 азы сӕххӕстӕн. Конкурсы хайад райстой скъоладзаутæ, кæцытӕн сæ ныййарджытæ сты уæрæсейаг æмзæххонты бынæттон æхсæнадон организациты уæнгтæ æмæ уырыссаг æвзаг æмæ литературæйы ахуыргæнджыты ассоциацийы уæнгтæ, афтæ ма ЗКУЦ-ы уырыссаг æвзаджы курсыты хайадисджытæ.
"Хайадисджыты хъусдардмæ хаст æрцыдысты тестон хæслæвæрдтæ, скъолайон программæйы фæлгæтты Сергей Есенины сфæлдыстад æмæ биографийы тыххæй фарстытӕ", — банысан кодтой минæварады пресс-службæйы.
Æхсæнадон организациты минæвæртты скондæй къамис викторинæйы уӕлахиздзаутыл банымадта 13 ахуыргæнинаджы цхинвайлаг астæуккаг æмæ хъахъхъæнынады министрады цур кадетон скъолатæй.
"Викторинæйы уæлахиздзауты схорзæхджын кодтой зæрдылдарæн дипломтæ æмæ лæвæрттæй Россотрудничествойы минæварадæй. Уыдонæн лæвæрд æрцæудзысты рекомендацитæ программæ "Здравствуй, Россия!"-йы фæлгæтты Уæрæсейы историкон бынæттæм ахуырадон балцы хайад райсынæн, кæцы уагъд æрцæудзæн фидæн азы", — загъта Россотрудничествойы минæвар.
Проекты организатор у Республикæ Хуссар Ирыстоны уæвæг Россотрудничествойы минæварад.
