ЦХИНВАЛ, 23 дек — Sputnik. Киноныв "Арвыл бæгъæввадæй"-мӕ ӕхсӕз бонмӕ бакаст 30 мин адӕймагӕй фылдӕр ӕмӕ ӕрӕмбырд кодта прокаты авд милуан сомы, хъусын кӕны 15 регион.
Ӕхсӕз боны дӕргъы прокаты мелодрамӕ "Арвыл бæгъæввадæй" федтой 30 260 адӕймаджы. Уыдонӕй фондз минмӕ ӕввахс Цӕгат Ирыстоны, 15 000 адӕймаджы та — Кӕсӕг-Балхъары республикӕйы, стӕй ма дыууӕ мин адӕймаг та Мӕскуыйы.
"Кинонывмӕ хъуамӕ билеттӕ райсай дыууӕ бон раздӕр. Хорз ӕм цӕуынц Дзӕуджыхъӕу, Майкоп ӕмӕ Нальчикы. Ацы мелодрамӕйӕ тынгдӕр ма адӕм цӕуынц ӕрмӕстдӕр "Звездные воины"-мӕ", — дзырдӕуы хъусинаджы.
Кинонывы дзырд цӕуы æрыгон лæппу æмæ чызджы ахастытыл. Лæппуйы ролы ахъазыд Кокайты Алан. Йæ уарзон чызджы фӕлгонц та сӕххӕст кодта Милана Карагулова. Кинонывы режиссер у Султан Хажироко. Истой йæ Цӕгат Кавказы æппæт республикæты дæр.
