ЦХИНВАЛ, 19 дек — Sputnik. Информацион агентад ӕмӕ радио Sputnik ссис сывӕллӕтты вокалон конкурс "Ты суперзвезда!"-йы ӕхсӕнадӕмон информацион партнер, кӕцы райдайдзӕн 2017 азы райдианы уӕрӕсейаг телекомпани НТВ-ы эфиры. Sputnik кӕсджытӕн фӕзындзӕн фадат конкурсы хайадисджыты ӕнтыстытӕм сӕ хъус дарын ӕмӕ сын уыдзӕн бацӕуӕн проекты эксклюзивон фото- ӕмӕ видеоконтентмӕ.
НТВ-ы ног проект "Ты суперзвезда!" ратдзӕн фадат курдиатджын сывӕллӕттӕн, кӕцытӕ аззадысты ӕнӕ ныййарджыты ӕвджидӕй, сӕ арӕхстдзинад равдисын. Конкурс "Ты суперзвезда!"-йы хайадисджытӕ суыдзысты сывӕллӕтты хӕдзӕртты ӕмӕ скъола-интернатты хъомылгӕнинӕгтӕ. 7-18 азы кары курдиатджын сывӕллӕттӕн уыдзӕн фадат сӕ вокалон арӕхстдзинадимӕ базонгӕ кӕнын профессионалон жюри ӕмӕ милуан телекӕсджыты, бакусын хуыздӕр музыкалон ахуыргӕнджытӕ ӕмӕ продюсертимӕ.
"Ты суперзвезда!"-йы амонӕг суыдзӕн ТЭФИ-йы хицау Вадим Такменев.
"Мах расидтыстӕм кастинг ӕмӕ нын не ‘рсидтӕн сдзуапп кодтой сӕдӕгай сывӕллӕтты хӕдзӕрттӕ. Райстам 800 курдиатӕй фылдӕр, цы ран сывӕллӕтты уагдӕтты къухдариуӕггӕнджытӕ фыссынц, кӕй сӕм ис курдиатджын сывӕллӕттӕ, фӕлӕ сын нӕй фадат, уый нымӕцы финансон, райсын хайад курдиатджын сывӕллӕтты конкурсты, кӕцытӕй нырыккон телеуынынад у йемыдзаг. НТВ ацы хӕрдзтӕ райста йӕхимӕ, уый нымӕцы чысыл хайадисджыты психологон адаптаци. Сывӕллӕттӕм ӕрмӕст репетицитӕ ӕмӕ программӕйы хайадист не ‘нхъӕлмӕ кӕсынц, фӕлӕ ма уыдон цӕудзысты ахуыр скъолайы программӕмӕ гӕсгӕ, афтӕ ма сын бацӕттӕ кодтам бирӕ сюрпризтӕ", — загъта Вадим Такменев.
Конкурс "Ты суперзвезда!" арӕзт цӕуы Уӕрӕсейы ахуырад ӕмӕ зонады министрады ӕххуысӕй. Алы ӕмвӕзадыл дӕр сывӕллӕттимӕ уыдзысты законы минӕвӕрттӕ, медицинон персонал, ахуыргӕнджытӕ ӕмӕ психологтӕ.
Проекты тыххӕй бӕстондӕр информаци ис НТВ сайтыл.
Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
