ЦХИНВАЛ, 23 июл - Sputnik. Хуссар Ирыстоны Хъахъхъӕнынады министрады бастдзинады дӕлхайады ӕфсӕддонтӕ уадзынц тренировкӕтӕ уӕрӕсейаг ӕфсӕддон связисттимӕ иумӕ 4-ӕм уӕрӕсейаг ӕфсӕддон базӕйы территорийыл.
Ахуыртӕ, кӕцыты рӕстӕджы уагъд цӕуынц теоретикон ӕмӕ практикон блоктӕ, адарддӕр уыдзысты 12 августы онг, хъусын кӕны хуссарирыстойнаг уагдоны пресс-службӕ.
Тренировкӕты рӕстӕджы ӕфсӕддонтӕ кусынц бастдзинады портативон мобилон фӕрӕзты хуызтимӕ.
"Ацы ахуыртӕ сты хорз фадат нӕ ӕфсӕддонтӕн-связисттӕн бакусын радиобастдзинады нырыккон техникӕйыл. Нӕ дӕлхайадӕн уыдон уагъд цӕуынц фыццаг хатт, фӕлӕ фидӕны сӕ нывӕндӕм арӕхдӕр уадзын", - загъта националон ӕфсады бастдзинады дӕлхайады хистӕр, гвардийы дӕлбулкъон Къӕбысты Александр.
Уагдоны бафтыдтой, зӕгъгӕ, связисттимӕ ӕрвылбон уагъд цӕуынц ахуыртӕ РХИ Хъахъхъӕнынады министрады ӕфсӕддон горӕты территорийыл.
