06:38 24 ХУЫМГÆНÆНЫ МÆЙ 2017
Комкоммӕ эфир
Сагкаты Валерийы мысӕн концерты афишӕ

"Бузныг, кæй мæ нæ рох кæнут". Сагкаты Валерийы мысӕн концерт ацæудзæн Цхинвалы

Facebook
Хуссар Ирыстоны
Чысыл дӕнцӕг
4631

Ирон музыкалон культурæйы ирддæр минæвар Сагкаты Валерийӕн Цхинвалы цырт сæвæрыны нысанæн организацигонд цæуынц концерттæ Ирыстоны дыууæ столицæйы. Цæгаты концерт æрæмбырд кодта 200 мин сомы, 15 марты йæ сфæлхатт кæндзысты хуссары дӕр.

ЦХИНВАЛ, 6 мар — Sputnik, Плиты Фатимӕ. Хуссар Ирыстоны зынгхуыст адæмон артист Сагкаты Валерийы номарӕн дыккаг хӕрзаудӕн концерт "Бузныг, кæй мæ нæ рох кæнут" ацæудзæн 15 марты Цхинвалы, фехъусын кодта Sputnik мадзалы организатортæй иу, РХИ драмтеатры актер Мамиты Григорий.

Ирон музыкалон культурæйы ирддæр минæвар Сагкаты Валерийӕн Цхинвалы цырт сæвæрыны нысанæн организацигонд цæуынц концерттæ Ирыстоны дыууæ столицæйы. Цæгаты концерт æрæмбырд кодта 200 мин сомы, 15 марты йæ сфæлхатт кæндзысты хуссары дӕр.

"Цырт сæвæрынæн хъæуы милуан сомæй фылдæр, ӕмбырд та ӕрцыд нырма 200 мин сомы. Хæрзаудæн мадзæлттæ адарддæр кæндзыстæм концертæй Цхинвалы 15 марты ПККЗ "Чермен"-ы. Хайад дзы райсдзысты Ирыстоны дыууæ хайы зындгонд артисттæ", — загъта Григорий.

Уый ма бызныг загъта, Дзæуджыхъæуы сын мадзал ауадзынæн æмæ диск рауадзынæн чи баххуыс кодта, æппæт уыцы адæмæн.

Зындгонд ирон зарӕггӕнӕг, композитор, поэт, Хуссар æмæ Цæгат Ирыстоны адæмон артист Сагкаты Алексейы фырт Валерий фӕмард 25 азы размӕ Хуссар æмæ Цæгат Ирыстоны хсæн иунæг фæндагыл зæйы бын, Валерийыл цыд 41 азы. Йӕ ном хæссы Цхинвалы уынгтæй сӕ иу.

Сӕйраг темӕтӕ