04:38 24 ДЖЕОРГУЫБАЙЫ МÆЙ
 2017
Комкоммӕ эфир
Арæн

Хуссар Ирыстонæй феддæдуар кодтой æртæ гуырдзиаг æмбæстаджы

© Sputnik / Наталья Айриян
Хуссар Ирыстоны
Чысыл дӕнцӕг
11 0 0

Гуырдзыстоны æмбæстæгты æрцахстой Хуссар Ирыстоны арæн фехалыны тыххæй, ивар бафидыны фæстæ уыдон аздæхтой Гуырдзыстонмæ

ЦХИНВАЛ, 30 июн — Sputnik, Козаты Диана. Хуссар Ирыстоны хицæуттæ адæттой Гуырдзыстонæн йе 'мбæстæгтæй æртæйы, кæцыты амæй размæ æрцахстой республикæйы паддзахадон арæн фехалыны тыххæй, фехъусын кодтой Паддзахадон æдасдзинады комитеты пресс-службæйы.

Гуырдзыстоны æмбæстæгты арæнхъахъхъæнджытæ æрцахстой ивгъуыд хуыцаубон Дзауы районы Синагуры хъæумæ æввахс.

"Уыдон иууылдæр разындысты Гуырдзыстоны Сачхерейы районы Переуы хъæуы цæрджытæ — 40-аздзыд Зурико Беридзе, 25-аздзыд Амиран Шукакидзе æмæ 29-аздзыд Георгий Мосиашвили", — банысан кодтой ПӔК-ы.

Дзауы районон тæрхондон фæткхалджыты фæивар кодта, уый бафидыны фæстæ сæ феддæдуар кодтой Гуырдзыстонмæ.

Амæй размæ ПӔК фехъусын кодта паддзахадон арæны режимы кæцыдæр фадгуытыл фæтыхджындæргонд контролы тыххæй. Мадзæлттæ уагъд цæуынц арæнгæрон зонæйы фæткхалыны цауты профилактикæйы нысанæн. Мадзæлттæ адарддæр уыдзысты 8 июлы онг.

Сӕйраг темӕтӕ