05:16 20 РУХÆНЫ МÆЙ 2017
Комкоммӕ эфир
РХИ æмæ Абхазы президенттæ фембæлдысты Сухумы

Хуссар Ир æмæ Абхазы президенттæ фембæлдысты Сухумы

Хуссар Ирыстоны
Чысыл дӕнцӕг
9 0 0

Хуссар Ирыстон æмæ Абхаз бафыстой дыууæ дыууæварсон документы

ЦХИНВАЛ, 7 июл — Sputnik. Сухумы уагъд æрцыд Хуссар Ирыстоны президент Бибылты Анатолий æмæ Абхазы президент Рауль Хаджимбайы фембæлды официалон церемони, хъусын кæны Sputnik Абхаз.

Дыууæ республикæйы гимнтæ куы айзæлдысты, уæд делегацитæ базонгæ сты сæ кæрæдзиимæ. Рауль Хаджимба раарфæ кодта Бибылты Анатолийæн æрæджыйы президентон æвзæрстыты фæуæлахизы фæдыл. 

Абхазы президент ма загъта, æмгуыстады дæргъвæтин æзты къухты цы бафтыд, уый кæй хъуамæ кæна фылдæрæй фылдæр. Уый банысан кодта, республикæтæ кæй хъуамæ фæуæрæхдæр кæной се ′мгуыстад базарадон-экономикон æмæ гуманитарон къабазы.

Райдыдта дыууæ бæстæты сæргълæуджыты фембæлд фæуæрæхгонд форматы, æнæ журналистты хайадистæй, цы ран ацæудзысты бадзырдтæ, цы ран æруынæффæ кæндзысты æмгуыстады уавæр æмæ перспективæтыл, афтæ ма дыууæварсон ахастыты дарддæры райрæзты фарстытыл, бафыст æрцæудзысты дыууæварсон документтæ. Бадзырдты фæстиуджытæ раргом уыдзысты пресс-конференцийы рæстæджы, кæцы ацæудзæн фембæлды фæстæ.

Хуссар Ирыстоны делегаци ма майрæмбоны бафыста цалдæр бадзырды.

Абхаз æмæ РХИ-Паддзахад Аланийы фæсарæйнаг хъуыддæгты министрæдтæ майрæмбоны, 7 июлы Сухумы бафыстой 2017-2018 азтæн консультациты нывæзт.

Алани ӕмӕ Абхаз ралӕууыдысты иу сценӕйыл Сухумы
© Sputnik . Илона Хварцкия, Амра Амичба
Документы бын сæ къухфысттæ æрæвæрдтой дыууæ рсепубликæты æддагполитикон ведомствæты сæргълæуджытæ Даур Кове æмæ Медойты Дмитрий.

Дыууæ республикæйы æхсæнадон палатæтæ дæр бафыстой æмгуыстады фæдыл бадзырд. Документ сфидар кодтой Хуссар Ирыстоны Ӕхсæнадон палатæйы сæргълæууæг Джиджойты Анатолий æмæ Абхазы Ӕхсæнадон палатæйы сæргълæууæг Нателла Акаба.

Сухумы 7 июлы райдыдта РХИ-ы президент Бибылты Анатолийы официалон визит. Хуссар Ирыстоны делегацийыл сæмбæлдысты Уæрæсеимæ паддзахадон арæныл. Хуссарирыстойнаг делегацийы сконды сты фæсарæйнаг хъуыддæгты министр Медойты Дмитрий, культурæйы министр Зассеты Жанна, генералон прокурор Дзæгъиаты Уырызмæг, ПӔК-ы сæргълæууæг Виктор Шаргаев, æхсæнадон палатæйы сæргълæууæг Джиджойты Анатолий, Хуссар Ирыстоны æххæстбарджын минæвар Абхазы Боциты Олег.

Сӕйраг темӕтӕ