03:30 21 ДЖЕОРГУЫБАЙЫ МÆЙ
 2017
Комкоммӕ эфир
Аллы Кокион

"Кокион-Festival": Ирон музыкæйы бæрæгбон Цхинвалы

© Sputnik / Ада Багиан
Хуссар Ирыстоны
Чысыл дӕнцӕг
79 0 0

Алла Кокионы фæндзæм гом фестивалы айзæлдзæн æндæр æмæ æндæр здæхæнты ирон музыкæ. Сæ арæхстдзинад равдисдзысты Алла Кокион, ВИА "Монзæл", пианисткæ Тедеты Ирина æмæ æндæртæ

ЦХИНВАЛ, 11 июл — Sputnik, Плиты Фатимӕ. Хуссар Ирыстоны сæйраг сахары ацæудзæн нырыккон музыкæйы сæрдыгон цхинвайлаг V фæстиваль "Кокион-Festival". Культурон мадзал цæудзæн æртæ боны дæргъы музыкалон ахуыргæнæндоны бæстыхай æмæ Къостайы скверы, фехъусын кодта Sputnik фестивалы организатор, зарæггæнæг Кокион Алла.

Алла Кокион фыццаг хатт радта гом концерт Цхинвалы Къостайы скверы 2013 азы, уæдæй фæстæмӕ азæй-азмæ фылдæр кæны йæ архайджыты нымæц æмæ гуырахст, мадзал та ссис æрвылазон.

"Фестиваль цæудзæн æртæ боны дæргъы, 17-19 июлы. Фыццаг дыууæ бон фестиваль уыдзæн Ӕлборты Феликсы номыл музыкалон ахуыргæнæндоны бæстыхайы. 17 июлы пианисткæ Тедеты Ирина ратдзæн концерт "Фортепиано иронау", дыккаг бон йæ арæхстдзинад равдисдзæн квартет "Монзæл", — радзырдта Кокион Алла.

Фестиваль балхынцъ уыдзæн Къостайы скверы иумæйаг гом концертæй.

"Ныфс нæ ис, боныгъæд нын фадат кæй ратдзæн фестивалы кæройнаг бон гом арвы бын саразынæн. Ӕрбамбал нæм уыдзысты музыканттæ Плиты Мурӕт æмæ Дудайты Сæрмæт, уыдзæн дзы чысыл сюрпризтæ дæр. Фестивалы айзæлдзæн нырыккон ирон ӕмӕ националон музыкæ, адæмон инструменттыл цагъд. Алкæцы адæймаг дæр ацы фестивалы фехъусдзæн йæ уарзон аив зæлтæ", — балхынц кодта зарӕггӕнӕг.

Фестивалы архайдзæн Ирыстоны зындгонд музыканттæ — Кокион Алла, Бестауты Диана, Плиты Мурæт, Гаглойты Мæдинæ, Елхъанты Светлана, ВИА "Монзæл", пианисткæ Тедеты Ирина, Дудайты Сæрмæт, Хъуылымбегты Александр, Пæррæстаты Анна-Мария æмæ æндæртæ.

Сӕйраг темӕтӕ