08:14 19 КÆФТЫ МÆЙ
 2017
Комкоммӕ эфир
ПАИ.

Чызджытыл цы автоинспекцийы нозтджын кусӕг баскъӕрдта, уый сисдзысты йӕ бынатӕй

© Sputnik / Антон Максименко
Хуссар Ирыстоны
Чысыл дӕнцӕг
16 0 0

Паддзахадон автоинспекцийы нозтджын кусӕг, кӕцы къуырисӕры ӕхсӕвы ныццавта машинӕйӕ дыууӕ чызджы, ист ӕрцӕудзӕн йӕ бынатӕй, баныфсӕвӕрдтой мидхъуыддӕгты министрады

ЦХИНВАЛ, 1 авг — Sputnik. Паддзахадон автоинспекцийы (ПАИ) кусӕг, кӕцы къуырисӕры ӕхсӕвы ныццавта йӕ машинӕйӕ дыууӕ чызджы, уыд нозтджын, уый ист ӕрцӕудзӕн йӕ куысты бынатӕй, фехъусын кодтой Sputnik мидхъуыддӕгты министрады (МХМ).

ПАИ кусӕг къуырисӕры ӕхсӕв Цхинвалы Ленины ӕмӕ Харебаты Исахъхъы уынгты алвӕндагыл скъуырдта йӕ машинӕйӕ дыууӕ ӕвзонг чызджы. Уыдон тагъд ӕххуысы машинӕйыл фӕхӕццӕ кодтой рынчындонмӕ, шофыр та ӕрцыд ахст.

"Наркодиспансеры медицинон басгӕрст сбӕрӕг кодта, ПАИ кусӕг кӕй уыд расыг", — загътой министрады.

Уагдоны ма банысан кодтой, цау йӕ хисӕрмагонд хъусдардмӕ райста МХМ сӕргълӕууӕг Наниты Игорь. Афтӕ ма ам куыд фехъусын кодтой, афтӕмӕй расыг шофыр ист ӕрцӕудзӕн йӕ куысты бынатӕй ПАИ-йы.

Республикон рынчындоны та Sputnik радзырдтой, аварийы бахауӕг чызджыты кӕй ауагътой хӕдзармӕ цалдӕр сахаты фӕстӕ. Уыдон аирвӕзтысты рог цӕфтӕй, сӕхи хатынц хорз.

Сӕйраг темӕтӕ