21:48 19 РУХÆНЫ МÆЙ 2017
Комкоммӕ эфир
Хӕрзиуӕг сӕххӕст: адӕмон къамисӕгӕн балӕвар кодтой ног камерӕ

Хӕрзиуӕг сӕххӕст: адӕмон къамисӕгӕн балӕвар кодтой ног камерӕ

© Sputnik / Диана Валиева
Хуссар Ирыстоны
Чысыл дӕнцӕг
9 0 0

Гӕбӕраты Нелли бузныг загъта ӕппӕт адӕмӕн дӕр, кӕцытӕ сӕ хайбавӕрд бахастой ацы хӕрзиуӕгон хъуыддагмӕ ӕмӕ ныфс бавӕрдта бирӕ цымыдисон фотопроекттӕй

ЦХИНВАЛ, 6 сен — Sputnik, Уалыты Диана. Ивгъуыд мӕйы социалон хызӕгты ацыд акци Хуссар Ирыстоны адӕмон къамисӕгӕн фотокамерӕ былхӕнынӕн ӕхцайы фӕрӕзтӕ ӕртымбыл кӕныны фӕдыл. Ӕмӕ дыццӕджы Ногдзауты парчы къамисӕгӕн радтой йӕ ног профессионалон камерӕ.

Гӕбӕраты Неллийы ист къам
Гӕбӕраты Неллийы архивон къам

Акци ауадзыны тыххӕй фӕндон рахаста къамисӕг Алексей Ковалев, йӕ организатор та ссис радио "IR-Fm". Радиойы директор Цхуырбаты Аланы ныхӕстӕм гӕсгӕ, адӕм уайтагъддӕр райдыдтой ӕхца ӕрвитын, бынӕттон црджытӕ дзырдтой телефонӕй ӕмӕ ӕнхъардтой се ‘ххуыс.

Гӕбӕраты Нелли бузныг загъта ӕппӕт адӕмӕн дӕр, кӕцытӕ сӕ хайбавӕрд бахастой ацы хӕрзиуӕгон хъуыддагмӕ ӕмӕ ныфс бавӕрта барӕ цымыдисон фотопроекттӕй. Йӕ ног камерӕйӕ уый фыццаг систа, Ногдзауты паркмӕ йын раарфӕ кӕнынмӕ чи ӕрбацыд, уыдоны къам.

"Тынг ӕхсызгон мын у, ахӕм хӕлӕрттӕ мын кӕй ис. Ӕппӕт дӕр араздзынӕн, цӕмӕй сӕ ма фӕфыдӕнхъӕл кӕнон", — загъта Нелли.

Гӕбӕраты Неллийы къамтӕм гӕсгӕ ис ныффыссӕн Хуссар Ирыстоны ног истори. Ныр аст азы дӕргъы Цхинвалы иу цау ӕмӕ бӕрӕгбон дӕр нӕ ацӕуы ӕнӕ йӕ хайадистӕй.

Сӕйраг темӕтӕ