03:35 21 ДЖЕОРГУЫБАЙЫ МÆЙ
 2017
Комкоммӕ эфир
Дмитрий Медведев Хуссар Ирыстоны

Бибылты Анатолий раарфæ кодта Дмитрий Медведевæн йæ райгуырæн боны тыххæй

© Sputnik / Екатерина Штукина
Хуссар Ирыстоны
Чысыл дӕнцӕг
10 0 0

ЦХИНВАЛ, 14 сен — Sputnik. Президент Бибылты Анатолий раарфæ кодта Уæрæсейы хицауады сæрдар Дмитрий Медведевæн йæ райгуырæн боны фæдыл.

Дмитрий Медведев цыппæрæмы нысан кæны йæ 52-æм райгуырæн бон.

"Хуссар Ирыстоны Дæумæ ис цытджын ахаст нæ паддзахады размæцыд æмæ фидар кæныны хъуыддаджы Де 'ппынæдзух æххуыс æмæ стыр хайбавæрды тыххæй. Дæ хъæбатыр къахдзæф Хуссар Ирыстоны хæдбардзинад банымайыны хъуыддаджы уыд Уæрæсейы адæмы фæндон æмæ Дæ политикон куырыхондзинад æвдисæн", — банысан кодта Бибылты Анатолий.

Уый схуыдта ацы къахдзæф ахсджиаг политикон акт, кæцы ссис "æцæг хъысмæтскуыддзаггæнæг Хуссар Ирыстоны адæмæн".

Бибылты Анатолий бахахх кодта, абон Уæрæсейы фæрцы республикæ кæй аразы ахсджиаг къахдзæфтæ экономикæ æмæ социалон сферæйы.

Хуссар Ирыстон президенты уæрæсейаг премьерæн бафæндыд "фидар æнæниздзинад, бинонты фæрныгад æмæ паддзахадон куысты æнтыстытæ Уæрæсейы хæрæбонæн".

Сӕйраг темӕтӕ