Цыбырты Людвигы чиныджы презентаци ацыд Цхинвалы

© Sputnik / Фатима ПлиеваПрезентация книги Людвига Чибирова
Презентация книги Людвига Чибирова - Sputnik Хуссар Ирыстон
Рафыссын
Хуссар Иры адæмон нывгæнæг Хъотайты Григорийы 90-æм азы юбилеймæ рацыд профессор Цыбырты Людвигы чиныг "Григорий Котаев. Жизнь во благо народа"

ЦХИНВАЛ, 19 сен — Sputnik. Хуссар Ирыстоны адæмон нывгæнæг Хъотайты Григорийы цард æмæ сфæлдыстадыл профессор Цыбырты Людвигы чиныджы презентаци ацыд Цхинвалы. Рауагъд "Григорий Котаев. Жизнь во благо народа" рацыд нывгæнæгæн йæ райгуырды 90 азы юбилеймæ.

Цхинвалы бакодтой нывгӕнӕг Хъотайты Григорийы мемориалон фӕйнӕг

Мадзалмæ æрбамбырд сты: архайгæ президент Бибылты Анатолий, чиныджы автор, республикæйы фыццаг президент Цыбырты Людвиг, экс-президент Тыбылты Леонид, нывгæнæджы бинонтæ, нывгæнджытæ, фысджытæ, туркаг ирæтты делегаци æмæ æхсæнады минæвæрттæ.

Автор фыццаг экземпляр йæ арфæйы ныхæстимæ балæвар кодта президент Бибылты Анатолийæн.

"Бирæ йыл бафыдæбон кодтой нывгæнæгæн йæ бинонтæ, рауагъдад сарæзтой чиныг рæсугъд æмæ гъæдджын. Чиныгкæсæг йын уыдзæн сæйраг аргъгæнæг, фæлæ дзы ис нывгæнæджы цардыл афæлгæсæн, йæ юмор æмæ сатира банкъарæн", — радзырдта Цыбырты Людвиг.

© Sputnik / Фатима ПлиеваЦыбырты Людвигы чиныджы презентаци ацыд Цхинвалы
Презентация книги Людвига Чибирова - Sputnik Хуссар Ирыстон
Цыбырты Людвигы чиныджы презентаци ацыд Цхинвалы

Презентацийы туркаг ирæтты хайадистæй кæй цыд, уымæ гæсгæ фылдæр раныхастæ уыдысты мадæлон æвзагыл.

Президент раарфæ кодта паддзахадон тырысайы æмæ республикæйы бæрæгбæттты фæдыл æрæмбырдуæвджытæн.

"Бузныг Хуыцауæн ахæм адæймаг нын кæй балæвар кодта æмæ стыр бузныг йæхицæн ирон аивады ахæм рæсугъд фæд кæй ныууагъта. Хуыцау нæм, æвæццæгæн, арæх æркæсы, науæд нын нæ фенын кодтаид ахæм нывгæнæг, куыд Хъотайты Григорий, Чилæхсаты Магрез, æвзонг нывгæнæг Къацты Вадим, махæн нæ уаид бирæ ахуыргæндтæ æмæ номдзыд спортсментæ", — загъта президент.

Чиныджы бакæсæн ис Хуссар Ирыстоны адæмон нывгæнæг Хъотайты Григорийы биографи, фыстæджытæ, фенæн дзы ис йæ хуызисттæ, йæ куыстыты ʻхсæн фенæн ис Коцты Бега, Сослан-Дауыт, Бурдухан æмæ æндæр зындгонд историон гоймæгты нывтæ.

Презентацийы раныхас кодтой нывгæнæгæн йæ хæлæрттæ, æрæмысыдысты Хъотайты Григорий цардæй хъæлдзæг цаутæ. Мадзалы фæстæ презентацийы уазджытæ сæ фæндаг акодтой нывгæнæджы куыстыты равдыстмæ.

Чиныг "Григорий Котаев. Жизнь во благо народа" рацыд рауагъдад "Республика"-йы президент Бибылты Анатолийы финансон æххуысæй.

Ног хабӕртты лентӕ
0