16:31 11 ЦЫППУРСЫ МÆЙ 2017
Комкоммӕ эфир
Хуссар Иры Хæларады орден райста Уæрæсейы Националон гвардийы ансамбль

Хуссар Иры "Хæларады орден" райста Уæрæсейы Националон гвардийы ансамбль

© Sputnik / Зарина Хубаева
Хуссар Ирыстоны
Чысыл дӕнцӕг
90 0 0

Уазæг коллективæн бæрзонд паддзхадон хорзæх радта президент Бибылты Анатолий Республикæйы боны цытæн концерты рæстæджы

ЦХИНВАЛ, 21 сен — Sputnik. Хуссар Ирыстоны президент Бибылты Анатолий схорзæхджын кодта "Хæларады орден"- æй Уæрæсейы Националон гвардийы Волгагæрон зылды кафт æмæ зарды ансамблы.

Паддзахады сæргълæууæг бæрзонд хорæх уазæг къордæн радта Республикæйы быны цытæн бæрæгбонын концерты рæстæджы, цы ран йæ арæхстдзинад равдыста уæрæсейаг коллектив.

"Ӕппæт хорзæхтæ дæр, кæцытæ аразы паддзахады сæргълæууæг, уыдон сеʻппæт дæр сты Хуссар Ирыстоны адæмы номæй. Уæ номæй бафыстон барамынд Уæрæсейы Националон гвардийы кафт æмæ зарды къорды саккаг кæнын "Хæларады орден"-æй", — банысан кодта йæ раныхасы президент.

Уымæй дарддæр ма, уæрæсейаг ансамблы солисткæ Ольга Мелузова та райста Хуссар Иры сгуыхт артисткæйы ном.

Уæрæсейы Националон гвардийы Волгагæрон зылды кафт æмæ зарды ансамбль Хуссар Ирыстонмæ 2008 азæй фæстæмæ æрцыд ныр æртыккаг хатт. Къордæн къухдариуæгад кæны Хуссар Иры аивады сгуыхт кусæг Алексей Косых.

Республикæйы боны цытæн концерты традицион зарджытæй дарддæр номыдзыд коллектив фыцццаг хатт сæххæст кодта Илья Резникы фыст зарæг "Сыгъдæг Уастырджи".

Республикæйы боны цытæн бæрæгбонон гала-концерты ма сæ арæхстдзинад равдыстой бынæттон зарæггæнджытæ æмæ Хуссар Ирыстоны кафт æмæ зарды паддзахадон ансамбль "Симд". Бæстæйы сæйраг сфæлдыстадон къорд акафыдысты "симд", "хонгæ", "чызджыты кафт" æмæ "аланты кафт", стæй ма хоры æххæстæй айзæлдысты "цины зарæг", "мæ Ирыстон" æмæ æндæр композицитæ

Сӕйраг темӕтӕ