00:37 16 ЦЫППУРСЫ МÆЙ 2017
Комкоммӕ эфир
БТК-4 кусджытæ рацыдысты сæ хистæры сисыны ныхмæ

Раздахут нын нæ директоры: БТК-4 кусджытæ рацыдысты сæ хистæры сисыны ныхмæ

© Sputnik / Наталья Айриян
Хуссар Ирыстоны
Чысыл дӕнцӕг
75110

Кусджытæ уырнын кæнынц, фабрикæйы хистæр йæ бынатæй иуварс æрцыд, сæ барты сæрыл сын кæй тох кодта, уый тыххæй

ЦХИНВАЛ, 12 окт — Sputnik, Плиты Фатимæ. Цхинвалы хуыйæн фабрикæйы кусджытæ цыппæрæмы сæумæрайсом рахызтысты митингмæ. Коллектив рацыд БТК-4 директор Коцты Хъазбеджы йæ бынатæй ссæрибар кæныны ныхмæ.

Цыппæрæмы райсом кусджытæн фехъусын кодтой, зæгъгæ, компани "БТК- групп"-ы сæйраг офисæй æрцыд барамынд БТК-4 хистæры бынатæй Коцты Хъазбеджы ссæрибар кæнын фæдыл. Кусджытæ уырнын кæнынц, фабрикæйы хистæр йæ бынатæй иуварс æрцыд, сæ барты сæрыл сын кæй тох кодта, уый тыххæй.

"Мæйы размæ нæм æрцыд Петербурджы сæйраг офисæй иу сылгоймаг. Отпускты рæстæджы БТК-4 цы куыстытæ ныффæстиат кодта, уыдон домдта баххæст кæнын. Директор нæм бахатыд æмæ куыстам уæлæмхасæй, сабат бонты, изæры фараст сахаттæм. Стæй директор йæ кусджытæн сæ уæлæмхас куысты тыххæй мызд куы рдомдта, уæд йемæ сызнаг сты æмæ йæ арвыстой йæ бынатæй. Уымæй хуыздæр хистæр мах нæ хъæуы æмæ нын æй фæстæмæ раздахæт", — дзуры фабрикæйы кусджытæй иу Валентина.

БТК-4 директоры раздахын домынц протестгæнджытæ иууылдæр æмæ фæнд кæнынц суанг президентмæ дæр ссæуын, кæд æй æмбарынц, уымæй аразгæ нæу, уæддæр.

Забастовка БТК
© Sputnik / Наталья Айриян
БТК-4 кусджытæ рацыдысты сæ хистæры сисыны ныхмæ

"Мах президентмæ дæр ссæудзыстæм. Зонæм æй, уæрæсейаг компанийы филиал стæм, фæлæ Хуссар Ирыстоны æмбæстæгтæй ам кусы 550 адæймаджы æмæ нæ президентыл æмбæлы нæ сæрыл бахатын компанийы хицæуттæм", — загъта иннæ кусæг Неля.

Сахаты фæстæ митинг балхынцъ ис æмæ протестгæнжытæ сфæнд кодтой саразын петици компанийы къухдариуагадмæ сæ директоры раздахыны фæдыл.

Сӕйраг темӕтӕ