Козаты Левы турнир футболæй: 14 командæ тырнынц уæлахизмæ

© Sputnik / Алексей Ковалевминифутбол
минифутбол - Sputnik Хуссар Ирыстон
Рафыссын
Турниры тыхджындæр командæ фæбæрæг уыдзæн зынгхуыст хъайтарæн йæ райгуырæн бон - 17 ноябры

ЦХИНВАЛ, 6 ноя — Sputnik. Хуссар Иры столицæйы райдыдтой фембæлдтæ Ирыстоны зынгхуыст хъайтар Козаты Левы номарæн турниры мини-футболæй скъоладзауты хсæн. Ерысты архайынц горæты скъолаты æмæ районты командæтæ, фехъусын кодтой Sputnik фæсивæдон политикæ, спорт æмæ туризмы комитеты пресс-службæйы.

минифутбол - Sputnik Хуссар Ирыстон
Мини-футболæй Козаты Левы номарæн турниры уæлахидзау ссис 5-ӕм скъола

Ирыстоны хъайтар Козаты Левы номарæн турнир цæуы ныр 7 азы. Скъоладзауты хсæн хуыздæр командæ рабæрæг кæнынæн рахицæн кодтой дыууæ къуырийы, турниры уæлахиздзауы ном фæбæрæг уыдзæн зынгхуыст хъайтарæн йæ райгуырæн бон — 17 ноябры.

"Фебæлдтæ цæуынц футболы скъола "Фæранкы" фæзуатыл. Турниры æдæппæтæй архайы 14 командæйы, уыдонæй æртæ сты районты командæтæ, аннæтæ та Цхинвалы скъолаты. Финалон фембæлдтæ ацæудзысты 16-17 ноябрьты" — загътой пресс-службæйы.

Номарæн турнир аразы Спорты комитет, Ӕхсæнадон организаци "Зиу" æмæ Ахуырады министрад.

Ирыстоны хъайтар Козаты Лев фæмард 2008 азы августы Гуырдзыйы агрессийы рæстæджы. Знаджы ныхмӕ тох кӕнгӕйӕ уый равдыста стыр хъӕбатырдзинад. Йæ амæлæты фæстæ Козаты Лев хорзæхджын æрцыд Хуссар Ирыстоны уæлдæр æфсæддон хорзæх —Уацамонгæйы орденæй.

Ног хабӕртты лентӕ
0