18:20 20 ДЖЕОРГУЫБАЙЫ МÆЙ
 2017
Комкоммӕ эфир
Литературон видеоконкурс Нæхи Къоста-йы уæлахиздзаутæ

Нæхи Къоста: соцхызæгтæ рабæрæг кодтой хуыздæр кæсджыты

© Sputnik / Наталья Айриян
Хуссар Ирыстоны
Чысыл дӕнцӕг
6910

Лайкты руаджы видеоконкурс "Нæхи Къоста" рамбылдта Бекъойты София, дыккаг æмæ æртыккаг бынæттæ та бацахстой Гæджиты Арсен æмæ Цхуырбаты Къоста

ЦХИНВАЛ, 7 ноя — Sputnik. Цхинвалы фæбæрæг сты фæсивæдон организаци "Иугонд Алани"-йы фыццаг литературон видеоконкурс "Нæхи Къоста"-йы уæлахиздзаутæ. Конкурс цыд ивгъуыд мæйы социалон хызæгтæ "Facebook", "Одноклассники" æмæ "ВКонтакте". "Лайк"-ты руаджы лидертæм рахызтысты дыууæ лæппу æмæ чызг, уыдон организатортæ рахицæн кодтой сæрмагонд хорзæхтæй.

Хорзæхкæныны церемони æрхауд Хуыбылты Валерий райгуырæн бонмæ, уымæ гæсгæ æрæмбырдуæвджытæ иу уысм æдзæмæй алæугæйæ  ссардтой Ирыстоны зынгхуыст хъайтары рухс ном. Уый фæстæ райдыдта концертон программæ.

Награждение победителей первого литературного видеоконкурса Нахи Коста
© Sputnik / Наталья Айриян
Литературон видеоконкурс "Нæхи Къоста"

Конкурсы цы фæсивæд архайдтой, уыдон се ʻппæт дæр райстой зæрдылдарæн лæвæрттæ фæсивæдон организаци "Иугонд Алани"-йæ. Конкурсанттæй иууыл чысылтæ уыдысты 4-5 азы кары æмæ-иу сæ кæцыдæртæн сæ зæрдæтæ уынгæг кодтой сценæйыл фыццаг къахдзæфгæнгæйæ.

Иууыл фылдæр лайктæ райста чысыл Бекъойты София, уый социалон хызæгтæй пайдагæнджытæй балхæдта 320 адæймаджы зæрдæ, чысыл къаддæр лайктæ æрæмбырд кодта цыппараздзыд Гæджиты Арсен æмæ æртыккаг бынатыл та ацыд Цхуырбаты Къоста.

  • Литературон видеоконкурс Нæхи Къоста
    Литературон видеоконкурс "Нæхи Къоста"
    © Sputnik / Наталья Айриян
  • Литературон видеоконкурс Нæхи Къоста
    Литературон видеоконкурс "Нæхи Къоста"
    © Sputnik / Наталья Айриян
  • Литературон видеоконкурс Нæхи Къоста
    Литературон видеоконкурс "Нæхи Къоста"
    © Sputnik / Наталья Айриян
  • Литературон видеоконкурс Нæхи Къоста
    Литературон видеоконкурс "Нæхи Къоста"
    © Sputnik / Наталья Айриян
1 / 4
© Sputnik / Наталья Айриян
Литературон видеоконкурс "Нæхи Къоста"

Аив дзырды чысыл дæсныты схорзæхджын кодта Президент Бибылты Анатолий. Паддзахады сæргълæууæг сын раарфæ кодта æмæ банысан кодта, мадæлон æвзаг рæзгæ фæлтæртæн бауарзын кæнын кæй ис бинонты бæрны.

"Сабитæн ирон æвзаг бауарзын кæнын ис ныййарджыты тыхы. Ацы чысыл хъæбултæ абон ам кæй лæууынц, уый дзурæг у сæ ныййарджыты ахастыл ирон æвзагмæ æмæ Къостайы сфæлдыстадмæ дæр. Ахуыр кæнут æмæ размæ цæут", — загъта президент.

Фыццаг литературон видеоконкурс "Нæхи Къоста" уагъд æрцыд гениалон поэт, ирон литературон æвзаджы бындурæвæрæг Хетæгкаты Къостайы райгуырдыл 158 азы сæххæсты цытæн.

Сӕйраг темӕтӕ