18:04 20 ДЖЕОРГУЫБАЙЫ МÆЙ
 2017
Комкоммӕ эфир
Милицийы бон

Милицийы бон Бибылты Анатолийы схорзæхджын кодтой ведомствæйон юбилейон майданæй

© Sputnik / Фатима Плиева
Хуссар Ирыстоны
Чысыл дӕнцӕг
246 0 0

ЦХИНВАЛ, 10 ноя — Sputnik, Плиты Фатимæ. Хуссар Ирыстоны президент Бибылты Анатолий майрæмбоны хорзæхджын æрцыд республикæйы милицийыл 100 азы сæххæсты цытæн юбилейон майданæй.

Хуссар Ирыстоны 10 ноябры нысан кæнынц милицийы сæвзæрды 100-азон юбилей, бæрæгбоны фæдыл цытджын мадзал ацыд Цхинвалы ПККЗ "Чермен"-ы.

Бæрæгбонон мадзалы рæстæджы хорзæхтæ райстой канд МХМ хуыздæр куысджытæ нæ, фæлæ ма паддзахады сæргълæууæг дæр. Бибылты Анатолийы юбилейон майданæй схорзæхджын кодта барадхъахъхъæг ведомствæйы сæргълæууæг Наниты Игорь.  Президент раарфæ кодта мидхъуыддæгты министрадæн сæ профессионалон бæрæгбоны цытæн æмæ бузныг загъта майданы тыххæй. 

"Уæ хорзæх нымайдзынæн авансыл", — загъта бæстæйы сæргълæууæг.

Хуссар Ирыстоны милицийæн бындур æвæрд æрцыд 1921 азы февралы, фæлæ республикæйы барадхъахъхъæнæг органтæ уæрæхæй банысан кæнынц советон милицийы сæвзæрды бон дæр.

Сӕйраг темӕтӕ