18:25 20 ДЖЕОРГУЫБАЙЫ МÆЙ
 2017
Комкоммӕ эфир
Адæмон кафты фестиваль Хонгæ кафт

Ансамбль "Ирон" рамбылдта адæмон кафты фестиваль "Хонгæ кафт"

© Sputnik / Фатима Плиева
Хуссар Ирыстоны
Чысыл дӕнцӕг
17 0 0

Скъола-студитæ æмæ аивадон хæдархайды коллективтæ тырныдтой ирон кафт "Хонгæ" рæсугъддæр сæххæст кæныныл

ЦХИНВАЛ, 13 ноя — Sputnik. Цхинвалы фæбæрæг сты адæмон кафты дыккаг республикон фестиваль "Хонгæ кафт"-ы уæлахиздзаутæ æмæ лауреаттæ. Скъола-студиты хсæн иууыл хуыздæр хореографион къордыл жюри банымадта Хуссар Ирыстоны сгуыхт артисткæ Хуыгаты Дианайы ансамбль "Ирон"-ы.

Дыккаг бынат бацахстой Асаты Николайы скъола-студи "Хуры тын"-ы хъомылгæнинæгтæ. Ӕнтыстджындæр коллективты рæнхъытæ ма баххæст кодта Гаглойты Изольдайы кафты къорд "Малусæг"- уый ссис æртыккаг.

Жюрийы уæнгтæ хицæнæй саргъ кодтой аивадон хæдархайды коллективтæн. Ацы номинацийы ирон мелоди "Хонгæ"-йы аив зæлтæм иууыл хуыздæр æркафыдысты Дзауы районы къорд "Скиф", дыккаг бынат рахицæн кодтой Ленингоры районы къордæн æмæ æртыккаг та ссис Знауыры районы сывæллæтты кафты къорд.

ПККЗ "Чермен", цы ран ацыд мадзал, æрæмбырд кодта йедзаг зал, чи æрбацыд йæ хæлæртты архайдмæ бакæсынмæ, чи та ирон кафт сывæллæтты æххæстæй фенынмæ.

  • Адæмон кафты фестиваль Хонгæ кафт
    Адæмон кафты фестиваль "Хонгæ кафт"
    © Sputnik / Фатима Плиева
  • Адæмон кафты фестиваль Хонгæ кафт
    Адæмон кафты фестиваль "Хонгæ кафт"
    © Sputnik / Фатима Плиева
1 / 2
© Sputnik / Фатима Плиева
Адæмон кафты фестиваль "Хонгæ кафт"

Хуссар Ирыстоны культурæйы министрады адæмон сфæлдыстадон центр ацы фестиваль уадзы ныр дыккаг аз. Ацы хатт дзы хайад райстой 11 коллективы. Фестивалы кафджыты ралæудтæн аргъгæнæг уыдысты культурæйы министрады куысджытæ æмæ сгуыхт хореографтæ.

Сӕйраг темӕтӕ