18:22 20 ДЖЕОРГУЫБАЙЫ МÆЙ
 2017
Комкоммӕ эфир
Фæсивæдон фестиваль Сочийы

Цхинвайлаг студенттæ Сочийы форумы тыххæй: тынг уыд

© Sputnik / Любовь Джиоева
Хуссар Ирыстоны
Чысыл дӕнцӕг
10 0 0

Хуссарирыстойнаг студенттæ радзырдтой се ′нкъарæнты тыххæй Сочийы фæсивæдон фестивалы хайадисты тыххæй

ЦХИНВАЛ, 13 ноя — Sputnik. Хуссарирыстойнаг студенттæн бантыст равдисын æнæниз æмæ размæцыд республикæ Фæсивæд æмæ студентты æппæтдунейон фестивалы Сочийы, фехъусын кодта хуссарирыстойнаг делегацийы къухдариуæггæнæг Мамиты Бела пресс-конференцийы рæстæджы Цхинвалы.

Sputnik пресс-центры ацыд пресс-конференци, цы ран студенттæ – Сочийы фæсивæдон форумы хайадисджытæ радзырдтой се ′нтысты тыххæй æмæ адих кодтой се ′нкъарæнтæ.

"Ацы уæрæх фестивалы уыд алыгъуызон программæтæ – ахуырадон, хиирхæфсæн. Нæ студенттæ райстой хайад алы фæзуатыл дæр æмæ сæхи равдыстой хуыздæр фарсæй, æмбæлонæй равдыстой Хуссар Ирыстоны", — загъта Мамиты Бела.

Студенттæ ФСӔФ-ы тыххæй

Егъау фестивалы фæстæ хуссарирыстойнаг студенттæн баззад иумæйаг хъуыды – ахæм проекттæ гом кæнынц стыр перспективæтæ æмæ хæссынц рухстауæг нысаниуæг.

"Фестиваль ацы бæрзонд æмвæзадыл. Тынг уыд. Фæзынд нын бирæ ног зонгæтæ, кæцытæй чидæртæ сæрды хъавынц Хуссар Ирыстонмæ æрцæуын", — загъта хайадисджытæй иу.

Студентты хъуыдымæ гæсгæ, мастер-классты рæстæджы цы ног хъæппæристæ æмæ фæлтæрддзинад райстой, уымæй спайда кæндзысты сæ паддзахады хæрзиуæгæн.

Сочийы уæвгæйæ, студенттæ раргом кодтой, иууыл хуыздæр Хуссар Ирыстоны тыххæй кæй зонынц каталойнæгтæ, италиæгтæ æмæ кубинæгтæ.

Фæсивæдон организаци "Иугонд Алани"-йы къухдариуæггæнæг Коцты Михаилы ныхæстæм гæсгæ, хайадисджытæн бантыст цалдæр фæсивæдон проекттыл бакусын ДАР, ЛАР, Днестргæрон æмæ Сомихстоны минæвæрттимæ, кæцытæ фæстæдæр æрцæудзысты реализацигонд.

Сӕйраг темӕтӕ