13:10 14 ЦЫППУРСЫ МÆЙ 2017
Комкоммӕ эфир
Цæгат Кавказы ДИФ-ы юбилейон V форум Уæрæсе – 2018. Кавказаг ракурс

Хъотайты Мария: Хуссар Ир æмæ Цæгат Кавказы журналисттæн ис æнгæс проблемæтæ

© Страница Марии Котаевой в соцсети facebook
Хуссар Ирыстоны
Чысыл дӕнцӕг
21 0 0

Хуссар Ирыстоны делегаци хайад исы Цæгат Кавказы ДИФ-ы форумы

ЦХИНВАЛ, 1 дек — Sputnik, Босыкты Наталья. Хуссар Ирыстоны æмæ Цæгат Кавказы республикæты журналисттæ æмбæлынц æмхуызон проблемæтыл, загъта Sputnik мыхуыр æмæ информацийы паддзахадон комитеты сæргълæууæг Хъотайты Мария.

Хуссарирыстойнаг делегаци хайад исы Цæгат Кавказы ДИФ-ы юбилейон V форум "Уæрæсе – 2018. Кавказаг ракурс"-ы, кæцы уагъд цæуы Мæхъæлы. Форумы хайад исынц 500 фылдæр адæймаджы — журналисттæ, хицауады минæвæрттæ, политологтæ æмæ медиаæхсæнады æндæр минæвæрттæ.

"Форумы рæстæджы Цæгат Кавказы ДИФ-ы минæвæрттæ æруынаффæ кодтой, журналистты фылдæр хай цы проблемæтыл æмбæлы, уыдоныл. Хуссар Ирыстон æмæ ЦКФЗ-ы республикæтæн ис æмхуызон проблемæтæ, зæгъæм, нæ коллегæтæ дæр сæмбæлынц цæлхдуртыл официалон хицауад æмæ барадхъахъхъæнæг органты минæвæрттæй информаци райсыны рæстæджы", — загъта Мария.

Уымæй дарддæр ма, форумыл æруынаффæ кодтой этнодинон тематикæйыл дзыллон информацийы фæрæзты.

"Этноконфессионалон тематикæйыл дзургæйæ, сæйрагдæр хъуыды уыд, цæмæй Кавказæй æрцæуа ист уыцы уаргъ, ома Кавказы коймæ зæрдыл ма æрлæууой террористтæ æмæ хотыхджын адæм. Афтæ ма журналисттæ хъуамæ хæссой бæрн се 'рмæджыты тыххæй æмæ хæццæ кæной ног хабæрттæ республикæты цæугæ культурон æмæ спортивон цаутæй", — банысан кодта Хъотайты Мария.

Цæгат Кавказы ДИФ-ы форумы организатор у æхсæнадон хъæппæристы æхсæнрегионалон центр "Цæгат Кавказ".

Сӕйраг темӕтӕ