21:09 22 ТЪÆНДЖЫ МÆЙ
 2018
Комкоммӕ эфир
Коцты Григорий

Коцты Григорий: Цхинвалы ныридæгæн пайда кæнынц ног интернет-провайдерæй

© Sputnik / Наталья Айриян
Хуссар Ирыстоны
Чысыл дӕнцӕг
17 0 0

Sputnik пресс-центрмæ фæуазæг интернет-провайдер "Юг-Телеком"-ы генералон директор Коцты Григорий. Уый радзырдта, куыд цæуы куыст Цхинвалы цæрæн хæдзæрттæм кабелон интернет бауадзыны фæдыл

ЦХИНВАЛ, 20 дек — Sputnik, Гæбæраты Ян. Хуссар Ирыстоны ног интернет-провайдер "Юг-Телеком"-ы лæггæдтæй ныридæгæн пайда кæнынц цалдæр бирæфатерон хæдзæртты цæрджытæ Цхинвалы.

"Юг-Телеком" æнхъардзæн дыууæ тарифон планы – 800 æмæ 990 сомы аргъ.

Коцты Григорий куыд фехъусын кодта, афтæмæй интернеты тагъдад кæндзæн фылдæр, фæлæ ныридæн дæр клиенттæн ис фадат сæхицæн равзарын индивидуалон тарифон план. Уый тыххæй хъæуы бацæуын паспортимæ провайдеры офисмæ.

"Кæй зæгъын æй хъæуы, уыдзæн æргъцухтæ æмæ сæрмагонд æнхъарæнтæ, фæлæ уал нæ хъæуы саразын клиентон базæ. Хъæуы нæ стыр куыст бакæнын. Уыцы хъуыддаджы махæн æххуыс кæнынц бынæттон лæппутæ, мах сæ кæнæм цæттæ æмæ ахуыр. Ныридæгæн нæм ис 17 ног кусæджы æмæ ноджы райсдзыстæм ног кусджыты", — загъта Коцты Григорий.

Иу фатер баиу кæныны аргъ уыдзæн 1,5 мин сомы, сæрмагонд хæдзар та – 4 мин сомы. Клиенты фæндонмæ гæсгæ, уæлæмхасæй 1,5 мин сом бафидгæйæ, компани балхæдзæн æмæ сæвæрдзæн WiFi-роутер.

Нырма уал Хуссар Ирыстоны цæрджытæ интернетмæ хизынц æрмæстдæр смартфонтæ æмæ модемты руаджы, интернет та нын дæтты иунæг провайдер – чырон оператор "Мегафон".

Сӕйраг темӕтӕ