08:21 30 ЗÆРДÆВÆРÆНЫ МÆЙ
 2017
Комкоммӕ эфир
Хуссар Ирыстоны футболистты фӕхуыдтой Европӕйы чемпионат ConIFA Евро-2015-мӕ

Хуссар Ирыстоны футболистты фӕхуыдтой "ConIFA Евро-2015"-мӕ

© Sputnik / Алексей Филиппов
Спорт
Чысыл дӕнцӕг
19 0 0

Хуссарирыстойнаг футболисттӕ сӕ тыхтӕ бавзардзысты ахӕм бӕстӕты командӕтимӕ, куыд Падания, Абхаз, сакъадах Мэн, Ниццӕ, Цӕгаттаг Кипр.

ЦХИНВАЛ, 18 май – Sputnik. Хуссарирыстойнаг футболисттӕ хуынд ӕрцыдысты Европӕйы чемпионат "ConIFA Евро-2015"- ы хайад райсынмӕ, фехъусын кодта къуырисӕры Sputnik фӕсивӕдон политикӕ, спорт ӕмӕ туризмы комитеты сӕргълӕууӕг Зассеты Сергей.

ConIFA – ӕхсӕнадон футболон организаци, ардӕм хауынц футболон ассоциацитӕ ӕмӕ адӕмты командӕтӕ, кӕцытӕ не сты ФИФА-йы уӕнгтӕ.

"Нӕ футболисттӕ хъаздзысты ахӕм бӕстӕты командӕтимӕ, куыд Падания, Абхаз, сакъадах Мэн, Ниццӕ, Цӕгаттаг Кипр и Секейаг бӕстӕ", — загъта Зассейы фырт.

Чемпионат уагъд ӕрцӕудзӕн 17 — 21 июны Венгриаг горӕт Дебрецены.

"Ацы бонты бӕрӕг ӕрцӕудзӕн, нӕ футболисттӕй чи ацӕудзӕн чемпионатмӕ, уый", — банысан кодта комитеты сӕрдар.

Хуссар Ирыстон ConIFA уӕнг ссис 2014 азы январы. Уыцы аз июны республикӕйы командӕ фыццаг хатт хайад райста дунейон чемпионаты ӕмӕ дзы бацахста цыппӕрӕм бынат.

Сӕйраг темӕтӕ