21:45 19 РУХÆНЫ МÆЙ 2017
Комкоммӕ эфир
Мурат Гассиев

Гасситы Мурæт нокаутæй бакодта йæхицæн фæндаг чемпионы титулмæ

Facebook
Спорт
Чысыл дӕнцӕг
8 0 0

Америкæйаг спортсменимæ ныхмæлæуд Гасситы Мурæтæн ссис 23-æм æнтыстджын тох рингыл.

ЦХИНВАЛ, 18 май — Sputnik, Козаты Дианæ. Ирон боксер Гасситы Мурæт фыццаг раунды нокауты арвыста америкæйаг Джордан Шиммелы дунейы чемпионы титулмæ претенденты номы тыххæй тохы.

Ныхмæлæуд уагъд цыд æртыццæджы райсом Карлтон (штат Минессота, АИШ). Гассийы фырты уæлахиз уымæн ратдзæн фадат стох кæнын фембæлд Виктор Рамирес — Денис Лебедевы уæлахиздзауимæ, кæцы уагъд æрцæудзæн 21 майы.

Раздæр спортсмены тренер Сланты Виталий радзырдта Sputnik, Гассийы фырт кæй хъуамæ фæуæлахиз уа Шиммелыл "мæ нымадмæ гæсгæйæ æмгъуыдæй раздæр".

Бой Гассиев-Шиммель
Facebook
Гасситы Мурæт æмæ Джордан Шиммелы тох

Ныры онг Гасситы Мурæт профессионалон рингыл ауагъта 22 тохы æмæ иухатт дæр нæ баззад састы бынаты. 16 хатт йӕ ныхмӕлӕууӕджы арвыста нокауты.

Фæстаг хатт Гасситы Мурæт рингмæ рахызт фарон декабры. Уый тох кодта америкæйаг Айзея Томасимæ боксы дунейон федерацийы (IBF) титулæн æнæмæнгхъæуæг претенденты статусы тыххæй. Ныхмæлæуд нымад не ‘рцыд, Мурæт æртыккаг раунды гонгы фæстæ йæ ныхмæлæууæджы æнæразвæдгонд цæф кæй фæкодта, уый тыххæй. Томас нал сразы тох адарддæр кæнын.

Гасситы Мурæт у дунейон чемпион фӕсивӕды 'хсӕн WBC-йы версимӕ гӕсгӕ, Европӕйы чемпион IBF-йы версимӕ гӕсгӕ, дунейы интерконтиненталон чемпион IBF-йы версимӕ гӕсгӕ.

Сӕйраг темӕтӕ