05:29 01 ЗÆРДÆВÆРÆНЫ МÆЙ
 2017
Комкоммӕ эфир
Бикойты Вадим

Цхинвайлаг Бикойты Вадим стох кæндзæн Уæрæсейы тыхджындæр богалы номыл

© Sputnik / Из личного архива Вадима Бикоева
Спорт
Чысыл дӕнцӕг
37 0 0

Æппæтуæрæсейон ерысты уæлахиздзау æмæ дунейон фыццагады призер, Бикойты Вадим кæстæр кары спортсменты ʻхсæнæй рахызт фæсивæдон ерыстæм æмæ та ам дæр тырны ног уæлахизтæм

ЦХИНВАЛ, 18 апр — Sputnik, Плиты Фатимæ. Хуссар Ирыстоны иууыл æнтыстджындæр æрыгон хъæбысæйхæцæг Бикойты Вадим стох кæндзæн æппæтуæрæсейон ерысты. Йæ тренер Коцыты Тамерлан куыд фехъусын кодта Sputnik, афтӕмӕй æрыгон богалмæ æнхъæлмæ кæсы уæззау фембæлдтæ, фæлæ сæ нысан у уæлахиз.

Бикойты Вадим
© Sputnik / Алексей Ковалев

Кæстæр фæлтæры ‘хсæн иууыл хуыздӕр хъæбысæйхæцæгыл республикӕйы нымад цæуы Бикойты Вадим. Нырмæ уый архайдта 58 килограммы уæзы кæстæрты хсæн, ныр ахызт фæсивæдон категоримæ æмæ 60 килограммы уæзмæ.

"Турниры агъоммæ Вадим рацыд сбортæ, ерыстæм цæуы хорз цæттæйæ. Йæ ныхмæлæуджытæй кæцыдæртæ сты дунейон æмæ европæйаг ерысты уæлахиздзаутæ æмæ призертæ. Сӕ иу у æрыгæдты хсæн 2016 азы Европæйы чемпион Цомартты Урузбек. Пьедесталмæ фæндаг рог нæ уыдзæн, фæлæ нæ нысан у уæлахиз", — загъта Коцты Тамерлан.

Æппæтуæрæсейон ерыстæ цæудзысты Цæгат Ирыстон-Аланийы 20-23 апрелы. Ерыстæ нывонд сты олимпаг хъæзтыты дыууæ хатты чемпион Андиаты Сосланы 65 азы юбилейæн.

Бикойты Вадим у бирæнымæц турнирты уæлахиздзау. 2014 азы ссис дунейон чемпионаты æвзист призер, 2016 азы та дунейон ерысты бронзæйон призер. У 2014 æмæ 2015 æзты Уæрæсейы фыццагады уæлахиздзау.

Сӕйраг темӕтӕ