09:42 23 ХУРХÆТÆНЫ МÆЙ
 2017
Комкоммӕ эфир
Хуссарирыстойнаг гимнасткӕтæ

Дыууæ хуссарирыстойнаг гимнасткӕйы архайынц гом турниры Дзæуджыхъæуы

© Sputnik / Ада Багиан
Спорт
Чысыл дӕнцӕг
1520

Плиты Виктория æмæ Кокойты Диана сæ номыртæ сæххæст кæндзысты тæлы, лентæ, старц æмæ пуртиимæ. Эстетикон гимнастикæйы къорд та хайад райсдзæн гала-концерты

ЦХИНВАЛ, 20 апр — Sputnik. Хуссарирыстойнаг гимнасткӕтæ хайад исынц Дзæуджыхъæуы гом турниры, Плиты Виктория æмæ Кокойты Дианайӕн уый у сæ фыццаг фæлтæрдзинад ерысты архайыны, фехъусын кодта гимнастикæйы федерацийы хистæр, тренер Цхуырбаты Зема.

"Плиты Виктория йæ ралæуды спайда кæндзæн тæлы, лентæ æмæ старцӕй, Кокойты Виктория ма сæм бафтаудзæн пурти дæр. Ерысты сын феххуыс уыдзæн, Алина Кабаевайы фæхуындмæ гæсгæ Мæскуыйы ахуырты цы ног композицитæ базыдтой, уыдон", — загъта тренер.

Уый ма радзырдта, ерысты æртыккаг бон кӕй уыдзысты æвдисинаг ралæудтæ, ам та сценмæ рахиздзысты Хуссар Иры эстетикон гимнастикæйы къорд.

"Эстетикон гимнастикӕйы къордæн дæр хорз фæлтæрдзинад уыдзæн ацы мадзалы хайадист. Фæстæдæр та хуынд сты ерыстæм Волгоград æмæ Лазаревскмæ", — бахахх кодта Цхуырбаты Зема.

Гимнастикайы гом турнир Дзæуджыхъæуы цæудзӕн 23 апрелы онг.

Сӕйраг темӕтӕ