04:50 24 ДЖЕОРГУЫБАЙЫ МÆЙ
 2017
Комкоммӕ эфир
Рæмонаты Сослан

Ногæй гауызмæ: Рæмонаты Сослан стох кæндзæн æфсæддонты хсæн дунейы чемпионаты

© Sputnik / Евгений Биятов
Спорт
Чысыл дӕнцӕг
78 0 0

Ирон богалæн ацы ерыстæ уыдзысты фыццаг фæлварæн 2016 азы Риойы уæлахизы æмæ операцийы фæстæ

ЦХИНВАЛ, 15 сен — Sputnik. Цыппар ирон хъæбысхæцæджы, се 'хсæн олимпиаг хъæзтыты уæлахиздзау Рæмонаты Сослан, стох кæндзысты æфсæддон службæгæнджыты хсæн дунейы чемпионаты Литвайы, фехъусын кодтой Sputnik Цæгат Ирыстоны спорты министрады пресс-службæйы.

2016 азы Риойы уæлахиздзау Рæмонаты Сослан фыццаг хатт олимпиаг хъæзтыты фæстæ рахидзæн гауызмæ æмæ архайдзæн ног уæзы категорийы.

"Уæрæсейы æмбырдгонды сконды уæгъдибар хъæбысхæстæй уыдзæн цыппар ирон богалы. 70 кг уæзы фыццаг хатт йæхи сфæлвардзæн Рæмонаты Сослан. 74 кг уæзы тох кæндзæн 2014 азы дунейы чемпион Цæболты Хетæг, Коциты Зауыр архайдзæн 97 кг уæзы. Ерысты иууыл стырдæр уæзы — 125 кг дæр архайдзæн ирон богал, Европæйы чемпионаты призер Хуыгаты Алан", — загътой пресс-службæйы.

Ӕфсæддон службæгæнджыты хсæн дунейы чемпионат цæудзæн 20-23 сентябры. Уæрæсейы æмбырдгоны скондмæ ма бацыдысты хъæбысхæцджытæ Шамиль Кудиямагомедов, Ибрагим Ильясов, Омак Сюрюн æмæ Начын Куулар.

Сӕйраг темӕтӕ