Экстремалон шофыртæ сæ тыхтæ бавзæрстой джип-триалы

Рафыссын
Хуссар Ирыстоны уагъд æрцыд æхсæнадæмон турнир джип-триалæй, цыран хайад райстой экстремалон шофыртæ Хуссар æмæ Цæгат Ирæй, цæгаткавказаг республикæтæй.

Турнир уагъд æрцыд зынгӕ хуссарирыстойнаг джипер Зӕгъойты Владимиры (Тото) номарынæн.

Ерыстӕ уагъд æрцыдысты клуб "Скиф 4х4" инициативӕмӕ гӕсгӕ парти "Иугонд Ирыстон"-ы финансон ӕххуысæй.

Джип-триалæй æхсæнадæмон ерыстæ Хуссар Ирыстоны уагъд цæуынц ныр æртыккаг аз. Ерыстæн бацæттæ кодтой сæрмагонд трассæ Цхинвалы районы Къусреты хъæумæ æввахс. Азæй азмæ фылдæр кæны турниры хайадисджыты нымæц.

Ацы аз турнирмæ хуынд æрцыдысты экстремалон автоспорты уарзджытæ Цӕгат Ирыстонӕй, Кӕсӕг-Балхъар, Хъӕрӕсе-Черкеси ӕмӕ Цӕцӕны республикӕтӕй.

Джип-триалы хайадисджытæ хæдтулгæты цæлхыты хуызмæ гæсгæ дих æрцыдысты æртæ категорийыл.

Ног хабӕртты лентӕ
0