Йæ урс сæн аразы Фролов-Багреевы технологимæ гæсгæ, кæцы æрымысыд зындгонд "Советское шампанское".
Хуссар Ирыстоны иунæг шампайнаг сæндуцæджы ном зындгонд у, зæрдиагæй йын агурынц йæ продукци — Ног азмæ ауæй кодта 400 авджы. Йæ зæрды ис йæ кондад фæуæрæхдæр кæнын — шампайнаг сæнæй дарддæр ма фæнд кæны коньяк уадзын дæр.
Кондадон роцесс æнæхъæнæй — тыллæг æфснайынæй æвгтыл этикеткæтæ æндадзыны онг — сæндуцæг æххæст кæны йæхи къухæй. Уæззау куыст кæнын æнцон нæу. Фæлæ сæндуцæг нæ хъаст кæны, уымæн æмæ æххæст кæны йæ уарзон хъуыддаг, кæцы йын хæссы æхцондзинад.
