"Хæлардзинады наз 2": Sputnik райдыдта æрвылазон акци кафе Vincenzo-йы

© Sputnik / Аида Гагиева"Хæлардзинады наз 2018"
Хæлардзинады наз 2018 - Sputnik Хуссар Ирыстон
Бафыссын
Yandex newsTelegram
Sputnik сиды алкæмæ дæр хæрзаудæн акци "Хæлардзинады наз"-ы хайад райсын æмæ сæххæст кæнын искæцы сабийы бæллиц, цæмæ бæллы, уый йын балæвар кæнгæйæ

ЦХИНВАЛ, 13 дек — Sputnik пресс-службæ. Ног азы агъоммæ информацион агентад æмæ радио Sputnik Хуссар Ирыстон райдыдты æрвылазон хæрзаудæн проект "Хæлардзинады наз". Проекты фæлгæтты сывæллæттæ æххуысхъуаг æмæ бирæсывæллонджын бинонтæй ныууадздзысты сæ ногазон бæллицтæ Sputnikы сæрмагонд посты къамтыл, кæцытæй сфæлынддзысты бæрæгбонон наз бæлас Vincenzoйы кафейы.

Алкæцы адæймагæн дæр фадат ис акцийы хайад райсын æмæ сæххæст кæнын сабиты бæллицтæ. Уый тыххæй хъæуы равзарын сабитӕй иуы фыстæг рестораны ногазон наз бæласæй æмæ лæвар æрбахæссын Sputnik Хуссар Ирыстоны редакцимæ (Мæскуыйы уынг, 5), науæд та йӕ 25 декабрьмæ бахæссын кафейы исæн пунктмӕ.

© Sputnik / Аида Гагиева"Хæлардзинады наз"
 Елка доброты 2018  - Sputnik Хуссар Ирыстон
"Хæлардзинады наз"

Æппæт лæвæрттæ дæр сабитæн ратдзысты ногазон мадзæлтты рæстæджы. Акци уагъд цæуы СДӔК-ы æххуысæй.

"Хæрзаудæн проект "Хæлардзинады наз" ссис агентад Sputnik-æн традицион, уымæн æмæ йæ фаронау гом кæнæм кафе Vincenzoйы фæзуатыл æмæ сидæм республикæйы æппæт цæрджытæм ногазон диссаг саразынмæ", — банысан кодта Sputnik Хуссар Ирыстоны къухдариуæггæнæг Виталий Раднаев.

Sputnik Хуссар Ирыстон райдыта йæ куыст 2015 азы. Йе сконды ис информацион портал ирон æмæ уырыссаг æвзæгтыл, радиоресурс æмæ мультимедион пресс-центр.

Ног хабæртты портал Sputnik Хуссар Ирыстон ис фыццаг бынатыл бæстæйы интернет ресурсты хсæн.

Sputnik Хуссар Ирыстон у æхсæнадæмон информацион агентады хай ӕмӕ иу кæны сайттæ дунейы 30 æвзагыл, аналагон æмæ цифрæйон радиоалæвæрдтӕ.

Ног хабӕртты лентӕ
0