Цхинвалы мэрийы радзырдтой ахуыргӕнджытӕ ӕмӕ хъомылгӕнджыты мыздты фӕстиаты тыххӕй

© Sputnik / Александр Кряжев /  Ахизын медиабанкмæЦхинвалы мэрийы радзырдтой ахуыргӕнджытӕ ӕмӕ хъомылгӕнджыты мыздты фӕстиаты тыххӕй
Цхинвалы мэрийы радзырдтой ахуыргӕнджытӕ ӕмӕ хъомылгӕнджыты мыздты фӕстиаты тыххӕй - Sputnik Хуссар Ирыстон, 1920, 08.07.2021
Рафыссын
Хуссар Ирыстоны бюджетон кусджыты кӕцыдӕр категоритӕ нырма нӕ райстой июны мыздтӕ. Столицӕйы администрацийы ахуырады хайады радзырдтой фӕстиаты аххосӕгтӕ

ЦХИНВАЛ, 8 июл – Sputnik, Козаты Диана. Хуссар Ирыстоны столицӕйы скъолатӕ ӕмӕ сабидӕтты ахуыргӕнджытӕ ӕмӕ хъомылгӕнджытӕ июны мызд райсдзысты зӕронд бахыгъдтӕм, фехъусын кодта Цхинвалы администрацийы ахуырады хайады хистӕр Сиукъаты Ольга.

Республикӕйы ацы мӕй бюджетон кусджытӕй бирӕтӕ райстой фӕфылдӕргонд мызд. Мызд нырма нӕ бафыстой скъолаты.

"Мах мызд фидӕм алкӕцы мӕйы фӕндзӕм бонмӕ. Стыр куыст уыд фӕлхыгъдимӕ, махӕн ис бирӕ объекттӕ. Фӕлӕ бухгалтеритӕ цӕсгомджынӕй кусынц, ӕмӕ ахуыргӕнджытӕ ӕмӕ хъомылгӕнджытӕ райсдзысты июны мызд зӕронд бахыгъдтӕм гӕсгӕ, фӕстӕдӕр та сын бафиддзысты алцыдӕр фӕлхыгъдимӕ", - загъта Сиукъаты Ольга.

Амӕйразмӕ хъусын кодтой, майы Хуссар Ирыстоны хицауады сӕрдар Бекъойты Геннадий ӕмӕ Уӕрӕсейы фӕллойады министр Антон Котяков бафыстой документ УФ фӕрӕзты руаджы республикӕйы паддзахадон ӕмӕ муниципалон уагдӕтты кусджыты мыздтӕ фӕфылдӕр кӕныны фӕдыл.

Ног хабӕртты лентӕ
0