Коцты Марина фехъусын кодта, коронавирусы аххосӕй гӕнӕн ис ногӕй кӕй бакӕной арӕнӕвӕрдтӕ

© Sputnik / Евгений Земцов /  Ахизын медиабанкмæКоцты Марина фехъусын кодта, коронавирусы аххосӕй гӕнӕн ис ногӕй кӕй бакӕной арӕнӕвӕрдтӕ
Коцты Марина фехъусын кодта, коронавирусы аххосӕй гӕнӕн ис ногӕй кӕй бакӕной арӕнӕвӕрдтӕ - Sputnik Хуссар Ирыстон, 1920, 15.07.2021
Рафыссын
Республикӕйы ӕрвылбон фылдӕр кӕны коронавирусӕй рынчынты нымӕц. Коцты Марина бафӕдзӕхста, уавӕр дарддӕр куы взӕр кӕна, уӕд бакӕндзысты карздӕр арӕнӕвӕрдтӕ

ЦХИНВАЛ, 15 июл – Sputnik, Козаты Диана. Хуссар Ирыстоны сӕйраг санитарон дохтыр Коцты Марина фехъусын кодта, коронавирусимӕ уавӕр куы февзӕрдӕр уа, уӕд республикӕйы бакӕндзысты карздӕр арӕнӕвӕрдон мадзӕлттӕ.

 COVID-19 - Sputnik Хуссар Ирыстон, 1920, 15.07.2021
Хуссар Ирыстоны рабӕрӕг кодтой 36 ног рынчыны коронавирусӕй

Июлы райдайӕны Коцты Марина фехъусын кодта коронавирусы дыккаг уылӕны тыххӕй. Ӕрвылбон йӕ уагдон хъусын кӕны дӕсгай фӕрынчынуӕвджыты тыххӕй.

"Ӕвӕццӕгӕн, мах уыдзыстӕм ног арӕнӕвӕрдты инициатор. Ныртӕккӕ республикӕйы ис маскӕты ӕмӕ дезинфекцион режимтӕ", - банысан кодта Югосетпотребнадзоры сӕргълӕууӕг.

Уый ма фехъусын кодта, уагдоны кусджытӕ кӕй уадзынц рейдон мадзӕлттӕ ӕмӕ сгарынц, куыд ӕххӕст кӕнынц республикӕйы Югосетпотребнадзоры рекомендацитӕ ӕмӕ домӕнтӕ ӕмӕ оперативон штабы скъуыддзӕгтӕ.

"Фӕткхалджыты ӕрбаздахдзысты административон бӕрндзинадмӕ. Иварон санкцитӕ сты 15 мин сомы ӕмӕ фылдӕр. Фӕлӕ амалиуӕггӕнджыты хъуамӕ сӕхи фӕнда ӕххӕст кӕнын фӕтктӕ, уымӕй уыдон баххуыс кӕндзысты коронавирусимӕ тох кӕнын. Афтӕ ма, кӕд уавӕр февзӕрдӕр уа, уӕд базарадон объекттӕ ӕмӕ хӕрӕндӕттӕ та сӕхгӕндзысты", - банысан кодта Коцты Марина.

Санитарон уагдоны разамонӕг ӕрсидт цӕрджытӕм, цӕмӕй бӕрнон ахаст дарой сӕвзӕргӕ уавӕрмӕ, хъахъхъӕной сӕхи ӕмӕ сӕ хиуӕтты.

Ног хабӕртты лентӕ
0