Геноциды тыххӕй спектаклыл куыстмӕ театр ӕрхуыдта уӕрӕсейаг специалистты

© Sputnik / Наталья АйриянПаддзахадон драмон театр
Паддзахадон драмон театр - Sputnik Хуссар Ирыстон, 1920, 23.12.2021
Рафыссын
ЦХИНВАЛ, 23 дек - Sputnik, Плиты Фатимӕ. Хуссар Ирыстоны паддзахадон драмон театр ацы сезоны иууыл гуырахстджындӕр спектакль "Фӕстаг ӕвдисӕн"-ыл кусынмӕ ӕрхуыдта уӕрӕсейаг специалистты. Преми "Золотая маска"-йы лауреат Евгений Виноградов йӕ командӕимӕ кусы сценӕйы рухсытыл.
"Спектакль у бирӕактон, равдысты рӕстӕджы сценӕйыл декорацитӕ ивдзысты арӕх - ис дзы мизансценӕ 13 коммунаримӕ, гуырдзиаг меньшевикты штаб, лигъдӕтты цыд ӕфцӕгыл. Иудзырдӕй рухсӕн сценӕйыл ис стыр нысаниуӕг", - радзырдтой Sputnik театры пресс-службӕйы.
Уым ма бафтыдтой, хуынд специалисттӕ кусынц къуырийы райдайӕнӕй ӕрвыл бон спектакль раттынмӕ ма ӕрмӕст нымад бонтӕ кӕй ис, уымӕ гӕсгӕ.
"Спектаклы ӕрмӕст сценӕтӕ нӕ ивдзӕн, фӕлӕ ма боныгъӕд дӕр. Митуард, къӕвда, уыдзӕн тымыгъ дӕр. Бирӕ ифтонгад архайы спектаклы рӕстӕджы", - бафтыдтой уым.
Преми "Золотая маска"-йы лауреатæй дарддæр Евгений Виноградовы æнтыстыты нымæцы ис преми "Музыкальное сердце театра". Куыд рухсы фæдыл нывгæнæг бацæттæ кодтой 90 спектаклы онг. Куыста Чеховы номыл театры, Ленкомы , Нациты театры Мæскуыйы, Екатеринбурджы опера æмæ балеты театры, Театр "Современник"-ы æмæ бирæ æндæр культурон уагдæтты.
Ног хабӕртты лентӕ
0