Хуссар Иры иууыл зындгонддӕр милиционер райста преми "Наставник года"

© Sputnik / Natalia AiriyanГатайты Лали
Гатайты Лали - Sputnik Хуссар Ирыстон, 1920, 12.01.2022
Рафыссын
ЦХИНВАЛ, 12 янв - Sputnik, Плиты Фатимӕ. Хуссар Ирыстоны иууыл зындгонддӕр милиционер, МХМ-йы ӕнахъомты фӕдыл инспекцийы хистӕр Гатайты Лали райста преми "Наставник года".
Хорзӕхтӕ дӕттыны церемони ацыд дыццӕджы изӕр Паддзахадон театры бӕстыхайы. Азы дӕргъы уӕлдай чи расгуыхт, ахӕмты рахицӕн кодтой хицӕн фадгуыты, цыты аккаг адӕмы нымӕц уыдысты 15-ӕй, сӕ нымӕцы дохтыртӕ, аивады кусджытӕ, волонтертӕ.

"Тынг ӕхсызгон мын уыд, фӕлӕ фӕтыхстӕн, уымӕн ӕмӕ нӕ чысыл ӕхсӕнады уый мӕныл ӕвӕры ноджы уӕлӕмхас хӕс. Ирыстоны фӕсивӕды хъомыладмӕ хӕссын хайбавӕрд, мӕ царды иу хай нӕу, фӕлӕ у ӕмткӕй мӕ цард.1993 азӕй фӕстӕмӕ кусын", - радзырдта Sputnik Гатайты Лали.

Уый ма бафтыдта, уӕлдай ӕхсызгон ма вӕййы фӕндагыл цы фӕсивӕды слӕууын кодта, уыдон ӕнтыстытӕ уынын.
"Сӕхӕдӕг мӕм бацӕуынц ӕмӕ мын мӕ зӕрдыл ӕрлӕууын кӕнынц, куыд сын дӕттон уайдзӕфтӕ ӕмӕ фӕзӕгъынц бузныг", - бафтыдта уый.
Булкъон Лали - Sputnik Хуссар Ирыстон, 1920, 15.11.2019
Булкъон Лали
Гатайты Лали у Хуссар Ирыстоны иууыл зындгонддӕр барадхъахъхъӕнӕг, 30 азы бӕрц куысты уый скодта йӕхицӕн хорз ном. Йӕ хъусдарды бын сты проблемон бинонтӕ, арӕх свӕййы хӕрзаудӕн акциты архайӕг. Къӕбӕда фӕсивӕдмӕ булкъон Гатайты Лалийӕн ис куы карз ахаст, куы та сыл кӕны узӕлгӕ.
Ног хабӕртты лентӕ
0