Справкӕ:
Ӕгъуызарты Тамерлан райгуырд 1963 азы 14 июны Цӕгат Ирыстоны, горӕт Алагиры. 1987 азы каст фӕци Цӕгат-Ирыстоны Паддзахадон университеты юридикон факультет. 2004 азы та — Мӕскуыйы паддзахадон дипломатон академийы аспирантурӕ.
1999-2011 азты уыд Цӕгат Ирыстоны Уӕлдӕр тӕрхондоны сӕргълӕууӕг. 2005 азӕй 2006 азы онг Ӕгъуызарты Тамерланы сӕргълӕудӕй ӕнӕхъӕн аз цыд Нурпаши Кулаевы ныхмӕ процесс, кӕцы уыд аххосджын Бесланы теракты.
2011 азы 4 декабрӕй уыд Уӕрӕсейы Федерацийы Паддзахадон Думӕйы VI ӕрсидты депутат. Фракци "Единая Россия"-йы уӕнг, конституцион закъондӕттынад ӕмӕ паддзахадон арӕзтады комитеты сӕргълӕууӕг.
2015 азы 5 июны УФ-йы президент Владимир Путин снысан кодта Ӕгъуызарты Тамерланы Республикӕ Цӕгат Ирыстон — Аланийы сӕргълӕууӕджы хӕстӕ рӕстӕгмӕ ӕххӕстгӕнӕгӕй.
2015 азы 13 сентябры Ӕгъуызарты Тамерлан ӕвзӕрст ӕрцыд Цӕгат Ирыстоны сӕргълӕууӕгӕй.
