17:55 16 РУХÆНЫ МÆЙ 2019
Комкоммӕ эфир
  • USD63.83
  • EUR70.67
Ирон дзюдоисттӕ рамбылдтой 13 хорзӕхы ЦКФЗ ерысты

Ирон дзюдоисттӕ рамбылдтой 13 хорзӕхы ЦКФЗ ерысты

© 15-Й РЕГИОН
Цӕгат Ирыстон
Чысыл дӕнцӕг
54 0 0

Ирон спортсментӕ рамбылдтой цыппар сыгъзӕрин, цыппар ӕвзист ӕмӕ фондз бронзӕйы майданы

ЦХИНВАЛ, 12 фев — Sputnik. Цӕгат Ирыстоны командӕ ӕнтыстджын архайд скодта Цӕгат Кавказы федералон зылды (ЦКФЗ) чемпионаты дзюдойӕ Грозныйы, хъусын кӕны республикӕйы спорты министрады пресс-службӕ.

Ирон спортсментӕ рамбылдтой цыппар сыгъзӕрин, цыппар ӕвзист ӕмӕ фондз бронзӕйы майданы.

Фыццаг бынӕттыл ацыдысты: Армен Тадевосян (66 килограмм), Дыгурты Алан (+100 килограмм), Челдыты Светлана (48 килограмм) ӕмӕ Гӕджиты Алина (63 килограмм).

Ӕвзист майдантӕ рамбылдтой : Егиазар Карапетян (66 килограмм), Гасынты Вячеслав (81 килограмм), Пилиты Мариам (+78 килограмм) ӕмӕ Къалаты Марина (63 килограмм).

Бронзӕйы майдантӕ рамбылдтой: Шотаты Зауырбег (73 килограмм), Голоты Сӕрмӕт (73 килограмм), Арсен Блаев (100 килограмм), Дзудцаты Александр (+100 килограмм) ӕмӕ Къӕбысты Радмила (63 килограмм).

Спортсменты ерыстӕм бацӕттӕ кодтой Беккуызарты Алик, Цӕгӕраты Хъазбег, Айларты Ирбег, Кадиты Сослан, Хуыгаты Виталий, Шамиль Абдулаев, Цӕргӕсаты Таймураз, Алина Пухова.

Сӕйраг темӕтӕ