ЦХИНВАЛ, 13 май — Sputnik. Цӕгат Ирыстоны ӕввахс дыууӕ боны синоптиктӕ рагхыгъд кӕнынц боныгъӕды февзӕр, республикӕйы Уӕлвӕткон уавӕрты министрад (УУМ) бафӕдзӕхста карз уадӕй.
"Синоприкты бӕрӕггӕнӕнтӕм гӕсгӕ, 13 майы изӕры ӕмӕ 14 майы фыццаг ӕмбисы республикӕйы территорийыл кӕцыдӕр бынӕтты уыдзӕн тӕрккъӕвдатӕ, ихуард ӕмӕ тыхдымгӕтӕ", - хъусын кӕны уагдоны пресс-службӕ.
Цӕгатирыстойнаг метеорологтӕ ма бафтыдтой, республикӕйы цӕугӕдӕтты ма кӕй фӕбӕрзонддӕр уыдзӕн доны ӕмвӕзад, кӕцы ранӕй рӕтты гӕнӕн ис ӕмӕ ӕркӕна ӕрдзон бӕллӕхтӕм. Афтӕ ма хӕхты та гӕнӕн ис рацӕуой цъыфы зӕйтӕ.
