ЦХИНВАЛ, 1 авг — Sputnik. Ирон богал Тыджыты Сослан ссис дунейы фыццагады уӕлахиздзау уӕгъдибар хъӕбысхӕйстӕй юношӕты хсӕн, хъусын кӕны Цӕгат Ирыстоны спорты министрады пресс-службӕ.
"Ирон хъӕбысӕйхӕцӕг Тыджыты Сослан ссис турниры уӕлахиздзау 71 килограммы уӕзы категорийы, финалы уый рамбылдта Румынийы минӕвар Криштиан Биройы 13:11 хыгъдӕй", - дзырдӕуы хъусинаджы.
Турнир цыд Софияйы (Болгари) ӕмӕ фӕцис 31 июлы. Уӕрӕсейы командӕ, кӕцыйы сконды архайдтой цыппар ирон хъӕбысӕйхӕцӕджы, бацахста фыццаг командон бынат.
Ирон богалтӕ иууылдӕр, кӕцытӕ архайдтой турниры, схызтысты кады пьедесталмӕ – дыццӕджы дунейы чемпион 110 килограммы уӕзы категорийы ссис хуссарирыстойнаг спортсмен Зассеты Арсӕмӕг. Ӕвзист майдантӕ рамбылдтой Цхуырбаты Батырбег (65 килограмм) ӕмӕ Багаты Арслан (100 килограмм).
