ЦХИНВАЛ, 8 ноя - Sputnik. Цӕгат Ирыстоны парламенты совет хорзыл банымадта законы проект, кӕцыйы руаджы ныййарджытӕн уыдзӕн фадат дӕттын сӕ сывӕллӕттӕн мыггӕгтӕ ирон кӕронимӕ документтӕ ӕнӕивгӕйӕ.
Осетия-Ирыстон телеканал куыд хъусын кӕны, афтӕмӕй, парламенты законад ӕмӕ бынӕттон хӕдразамынады фӕдыл комитеты сӕрдар Ортабайты Тимур банысан кодта, республикӕйы цӕрджытӕ ныртӕккӕ кӕй пайда кӕнынц ирон мыггӕгты фыссыны алыгъуызон формӕтӕй, се хсӕн ирон, уырыссаг ӕмӕ гуырдзиаг кӕрӕттимӕ.
Ныр дӕр алкӕцы ӕххӕсткар ӕмбӕстагӕн ис фадат раивын йӕ мыггаджы фыссыны формӕ, фӕлӕ уый тыххӕй хъӕуы раивын бӕрӕггӕнӕнтӕ паддзахадон ӕмӕ муниципалон службӕты. Уый фӕдыл бирӕтӕ нӕ арӕзтой ацы къахдзӕф. Ног законы проектмӕ гӕсгӕ, фидӕны фӕлтӕрӕн нал уыдзӕн проблемӕ мыгггӕгтӕ ирон кӕронимӕ ныффысынимӕ.
