ЦХИНВАЛ, 11 дек – Sputnik. Цӕгат Ирыстоны столицӕйы 13 декабры ацӕудзӕн республикон турнир хъаматыл тохӕй "Нарты Тох". Мадзал ацӕудзӕн Плиты Иссӕйы номыл 26-ӕм скъолайы.
Турниры хайад райсдзысты патриотикон змӕлд "Юнармия"-йы хъомылгӕнинӕгтӕ 5-17 азы кары, кӕцытӕ ерыс кӕндзысты дыууӕ номинацийы – алайнаг ӕхсаргард ӕмӕ триатлон.
Ерысты тӕрхонгӕнджытӕ уыдзысты фӕлтӕрд спортсментӕ, кӕцыты хсӕн ис дунейы чемпионтӕ хъаматыл тохӕй ӕмӕ Хъаматыл тохы федерацийы регионалон хайады президент Къусаты Михаил. Турниры фӕлгӕтты ацӕудзӕн ӕвзӕрстытӕ Уӕрсейы чемпионатмӕ, кӕцы ацӕудзӕн 2021 азы февралы.
Мадзал уадзы Цӕгат Ирыстоны фӕсивӕды ӕфсӕддон-патриотикон хъомылады центр Хъаматыл тохы федерацийы регионалон хайады ӕмархайдӕй.
